കുവൈത്ത് സിറ്റി: ഇന്ത്യയിലെ ബജറ്റ് വിമാനക്കമ്പനിയായ ഗോ എയർ കണ്ണൂരിൽനിന്ന് -കു വൈത്തിലേക്കും തിരിച്ചും വിമാന സർവിസ് ആരംഭിക്കുന്നു. ബാേങ്കാക്ക്, ദുബൈ, കുവൈത്ത് അട ക്കം ഏഴ് അന്താരാഷ്ട്ര റൂട്ടുകളിൽ സർവിസ് ആരംഭിക്കുന്നതായി ഗോ എയർ വാർത്തക്കുറി പ്പിൽ അറിയിച്ചു.
ജൂലൈ 19 മുതലാണ് അന്താരാഷ്ട്ര സർവിസ് വിപുലീകരിക്കുന്നത്. അതേസമയം, എന്നുമുതലാണ് കുവൈത്തിലേക്ക് സർവിസ് ആരംഭിക്കുന്നതെന്ന് വ്യക്തമാക്കിയിട്ടില്ല. കണ്ണൂരിൽനിന്ന് കുവൈത്തിലേക്ക് നിലവിൽ എയർ ഇന്ത്യ എക്സ്പ്രസ്, ഇൻഡിഗോ എന്നിവക്കാണ് സർവിസ് ഉള്ളത്. തിങ്കൾ, ശനി ദിവസങ്ങളിലായി ആഴ്ചയിൽ രണ്ട് സർവിസാണ് എയർ ഇന്ത്യ എക്സ്പ്രസിന് ഉള്ളത്.
കുവൈത്തിൽനിന്ന് കണ്ണൂരിലേക്ക് നേരിട്ടും മടക്കം ബഹ്റൈൻ വഴിയുമാണ്. കണ്ണൂരിൽനിന്ന് രാവിലെ 7.10ന് പുറപ്പെട്ട് 9.10ന് ബഹ്റൈനിലെത്തുകയും അവിടെനിന്ന് 10.10ന് പുറപ്പെട്ട് 11.10 കുവൈത്തിലെത്തുകയും ചെയ്യും. ഇൻഡിഗോ ആഴ്ചയിൽ ആറു ദിവസം കണ്ണൂരിൽനിന്ന് കുവൈത്തിലേക്കും തിരിച്ചും നേരിട്ടുള്ള സർവിസ് നടത്തുന്നുണ്ട്.
ചൊവ്വ ഒഴികെയുള്ള ദിവസങ്ങളിൽ പുലർച്ചെ അഞ്ചുമണിക്ക് കണ്ണൂരിൽനിന്ന് പുറപ്പെട്ട് രാവിലെ എട്ടു മണിക്ക് കുവൈത്തിലെത്തുകയും കുവൈത്തിൽനിന്ന് രാവിലെ ഒമ്പതിന് പുറപ്പെട്ട് വൈകീട്ട് നാലുമണിക്ക് കണ്ണൂരിൽ എത്തുകയും ചെയ്യുന്ന രീതിയിലാണ് ഇൻഡിഗോ സർവിസ്. ഇതിന് പുറമെ ഗോ എയർ കൂടി വരുന്നത് കുവൈത്തിലെ വടക്കൻ മലബാറിൽനിന്നുള്ള യാത്രക്കാർക്ക് ഏറെ പ്രയോജനപ്പെടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.