കുവൈത്ത് സിറ്റി: കുവൈത്തിൽ ശനിയാഴ്ച പത്തു പേർക്ക് കൂടി കോവിഡ് സ്ഥിരീകരിച്ചു. ഇതോടെ വൈറസ് സ്ഥിരീകരിച്ചവരുടെ എണ്ണം 235 ആയി. ഏഴുപേർ ശനിയാഴ്ച രോഗമുക്തി നേടി. ഇതോടെ ആകെ രോഗമുക്തി നേടിയവരുടെ എണ്ണം 64 ആയി. ബാക്കി 171 പേരാണ് ചികിത്സയിലുള്ളത്. 11 പേർ തീവ്രപരിചരണ വിഭാഗത്തിലാണുള്ളത്.
ബ്രിട്ടനിൽനിന്ന് വന്ന മൂന്ന് സ്വദേശികൾ, സൗദിയിൽനിന്ന് വന്ന രണ്ട് സ്വദേശികൾ, ഫ്രാൻസിൽനിന്ന് വന്നയാളുമായി സമ്പർക്കം പുലർത്തിയ സ്വദേശി വനിത, യു.എ.ഇയിൽനിന്ന് വന്നയാളുമായി സമ്പർക്കം പുലർത്തിയ സ്വദേശി വനിത, കാനഡ, അമേരിക്ക എന്നിവിടങ്ങളിൽ പോയ വിദേശി, കുവൈത്തിൽ നേരത്തെ വൈറസ് സ്ഥിരീകരിച്ചയാളുമായി സമ്പർക്കം പുലർത്തിയ സ്വദേശി, ഏതുവഴി രോഗം വന്നുവെന്ന് സ്ഥിരീകരിച്ചിട്ടില്ലാത്ത ഇന്ത്യക്കാരൻ എന്നിവർക്കാണ് ശനിയാഴ്ച കോവിഡ് സ്ഥിരീകരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.