കുവൈത്ത് സിറ്റി: കുവൈത്ത് മന്ത്രിസഭ പുനഃസംഘടിപ്പിക്കാനായി രാജിവെച്ചു. പാർലമെൻറും സർക്കാറും തമ്മിലുള്ള ബന്ധം നന്നാക്കുന്നതിനായി അമീറിെൻറ ആഭിമുഖ്യത്തിൽ നടക്കുന്ന നാഷനൽ ഡയലോഗിെൻറ തുടർച്ചയായി പുതിയൊരു തുടക്കത്തിനായാണ് മന്ത്രിസഭ രാജിവെച്ചത്. പാർലമെൻറിന് അനഭിമതരായ മന്ത്രിമാരെ ഒഴിവാക്കിയും കൂടുതൽ പാർലമെൻറ് അംഗങ്ങളെ ഉൾപ്പെടുത്തിയുമാണ് പുതിയ മന്ത്രിസഭ രൂപവത്കരിക്കുക.
അമീർ മുൻകൈയെടുത്ത് സുപ്രീം കോടതിയുടെ രക്ഷാകർതൃത്വത്തിലാണ് നാഷനൽ ഡയലോഗ് സംഘടിപ്പിക്കുന്നത്. ആദ്യ രണ്ട് സെഷനുകൾ വിജയകരമായിരുന്നു. ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹമദ് ജാബിർ അൽ അലി അസ്സബാഹ്, വാണിജ്യ മന്ത്രി ഡോ. അബ്ദുല്ല അൽ സൽമാൻ എന്നിവർക്കെതിരെ ഹമദ് അൽ ആസ്മി എം.പി കുറ്റവിചാരണ നോട്ടീസ് സമർപ്പിച്ചിട്ടുണ്ട്. മന്ത്രിസഭ രാജിവെച്ച പശ്ചാത്തലത്തിൽ ഇതിന് പ്രസക്തിയില്ലാതായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.