കുവൈത്ത് സിറ്റി: സ്വദേശികളും വിദേശികളുമുൾപ്പെടെ രാജ്യനിവാസികൾക്ക് ചികിത്സസൗക ര്യം വിപുലമാക്കുന്നതിെൻറ ഭാഗമായി കുവൈത്തിെൻറ വിവിധ ഭാഗങ്ങളിൽ കൂടുതൽ ഹെൽത്ത് സെ ൻററുകൾ തുറക്കുമെന്ന് ആരോഗ്യമന്ത്രി ഡോ. ബാസിൽ അസ്സബാഹ്. ഖുറൈനിൽ പുതുതായി നിർമാണ ം പൂർത്തിയാക്കിയ ഹെൽത്ത് സെൻറർ ഉദ്ഘാടനം നിർവഹിക്കവെയാണ് അദ്ദേഹം ഇക്കാര്യം വ്യക്തമാക്കിയത്.
പുതിയ കേന്ദ്രങ്ങൾ ആരംഭിക്കുന്നതോടൊപ്പം പഴയവ പുതുക്കിപ്പണിയാനും പദ്ധതിയുണ്ട്. അമീർ ശൈഖ് സബാഹ് അൽഅഹ്മദ് അൽ ജാബിർ അസ്സബാഹിെൻറ ‘വിഷൻ കുവൈത്ത് 2035’ പദ്ധതിക്കനുസൃതമായി ആരോഗ്യമേഖലയിൽ പരിഷ്കരണം ഏർപ്പെടുത്താൻ മന്ത്രാലയം പ്രതിജ്ഞാബദ്ധമാണ്.
വഫ്റ പാർപ്പിട മേഖല, സബാഹ് അൽഅഹ്മദ്, രിഹാബ് എന്നിവിടങ്ങളിൽ ഉടൻ പുതിയ ഹെൽത്ത് സെൻററുകൾ പ്രവർത്തനം ആരംഭിക്കുമെന്നും മന്ത്രി കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.