കുവൈത്ത് സിറ്റി: കുവൈത്ത് കെ.എം.സി.സി മാതൃസംഘടനയായ ഇന്ത്യൻ യൂനിയൻ മുസ്ലിംലീഗിെൻറ 70ാം വാർഷികാഘോഷം സംഘടിപ്പിച്ചു. അബ്ബാസിയ റിഥം ഓഡിറ്റോറിയത്തിൽ സംഘടിപ്പിച്ച ആഘോഷ പരിപാടി ഷറഫുദ്ദീൻ കണ്ണേത്ത് ഉദ്ഘാടനം ചെയ്തു. ആക്ടിങ് പ്രസിഡൻറ് മുഹമ്മദ് അസ്ലം കുറ്റിക്കാട്ടൂർ അധ്യക്ഷത വഹിച്ചു. കേന്ദ്ര ഉപദേശക സമിതിയംഗം സി.പി. അബ്ദുൽ അസീസ് മുഖ്യപ്രഭാഷണം നടത്തി. കേന്ദ്ര ട്രഷറർ എം.കെ. അബ്ദുൽ റസാഖ്, മുൻ പ്രസിഡൻറ് എ.കെ. മഹ്മൂദ് സാഹിബ്, മുൻ ജനറൽ സെക്രട്ടറി ബഷീർ ബാത്ത, മുൻ ട്രഷറർ എച്ച്. ഇബ്രാഹിം കുട്ടി എന്നിവർ സംസാരിച്ചു. ഖാലിദ് അല്ലക്കാട്ട്, അസീസ് വലിയകത്ത്, അജ്മൽ വേങ്ങര, ഹംസ കരിങ്കപ്പാറ എന്നിവർ സന്നിഹിതരായിരുന്നു. വാർഷികാഘോഷ ഭാഗമായി അബ്ബാസിയ ഏരിയ കമ്മിറ്റി പായസം വിതരണം ചെയ്തു. ജനറൽ സെക്രട്ടറി സിറാജ് എരഞ്ഞിക്കൽ സ്വാഗതവും ഫാസിൽ കൊല്ലം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.