ലാൽ കൃഷ്ണന് കെ.കെ.പി.എ ഉപഹാരം കൈമാറുന്നു
കുവൈത്ത് സിറ്റി: പ്രവാസ ജീവിതം നിർത്തി നാട്ടിലേക്ക് മടങ്ങുന്ന കുവൈത്ത് കേരള പ്രവാസി അസോസിയേഷൻ അംഗം ലാൽ കൃഷ്ണന് യാത്രയയപ്പ് നൽകി. അബ്ബാസിയ ശ്രീരാഗം ഓഡിറ്റോറിയത്തിൽ നടന്ന ചടങ്ങിൽ പ്രസിഡന്റ് നൈനാൻ ജോൺ അധ്യക്ഷത വഹിച്ചു. ജനറൽ സെക്രട്ടറി സജീവ് ചാവക്കാട് സ്വാഗതം ആശംസിച്ചു. ചെയർമാൻ സക്കീർ പുത്തൻപാലം കെ.കെ.പി.എയുടെ സ്നേഹാദരം സമ്മാനിച്ചു.
രക്ഷാധികാരി തോമസ് പള്ളിക്കൽ, അഡ്വൈസറി മെംബർമാരായ അബ്ദുൽ കലാം മൗലവി, ജെയിംസ് കൊട്ടാരം, ട്രഷറർ ബൈജുലാൽ, വനിത ചെയർപേഴ്സൻ ബിനി സജീവ്, വൈസ് പ്രസിഡന്റ് സാറാമ്മ ജോൺസ്, ശിവദാസ്, മീഡിയ കോർഡിനേറ്റർ ഷാഫി മക്കാതി, അബ്ദുൽ കരിം, സെക്രട്ടറി ബിനു തോമസ്, കവിത, സലീന എന്നിവർ ആശംസകൾ അറിയിച്ചു. എക്സിക്യൂട്ടീവ് അംഗങ്ങൾ നേതൃത്വം നൽകി. ലാൽ കൃഷ്ണൻ കുവൈത്ത് പ്രവാസ ജീവിതത്തിൽ കെ.കെ.പി.എക്ക് കൂടെയുള്ള ഓർമകൾ പങ്കുവെച്ച് സദസ്സിന് നന്ദി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.