കെഫാക് ഫുട്ബാളിൽ ഇ.ഡി.എ എറണാകുളം- കെ.ഇ.എ കാസർകോട് മത്സരത്തിൽനിന്ന്
കുവൈത്ത് സിറ്റി : കേരള എക്സ്പ്പാറ്റ്സ് ഫുട്ബാൾ അസോസിയേഷൻ കുവൈത്ത് (കെഫാക്) അന്തർ ജില്ല ഗ്രൂപ് തല രണ്ടാം ഘട്ട മത്സരങ്ങൾക്ക് മിഷ്രിഫിലെ പബ്ലിക് അതോറിറ്റി ഫോർ സ്പോർട്സ് ഗ്രൗണ്ട് വേദിയായി.
സോക്കർ ലീഗിലെ ആദ്യ മത്സരത്തിൽ ഇ.ഡി.എ എറണാകുളത്തിനെ മറികടന്നു കെ.ഇ.എ കാസർകോട് നിർണായക വിജയം സ്വന്തമാക്കി. രണ്ടാം മത്സരത്തിൽ ഫോക് കണ്ണൂരിനെ പരാജയപ്പെടുത്തി എംഫാക് മലപ്പുറം തുടർച്ചയായി രണ്ടാം വിജയം നേടി. വയനാടിനെ കീഴ്പ്പെടുത്തി പാലക്കാട് ആദ്യജയം സ്വന്തമാക്കി. ടിഫാക് തിരുവനന്തപുരം - കോഴിക്കോട് മത്സരത്തിൽ കോഴിക്കോട് നിർണായക വിജയം നേടി.
ശിവ (കെ.ഇ.എ കാസർകോട്), നജീം (എംഫാക് മലപ്പുറം), നിതിൻ (പാലക്കാട്), അമീസ് (കോഴിക്കോട്) എന്നിവർ സോക്കർ ലീഗ് മത്സരങ്ങളിലെ മോസ്റ്റ് വാല്യൂബ്ൾ െപ്ലയർ അവാർഡുകൾക്ക് അർഹരായി. മാസ്റ്റേഴ്സ് ലീഗിൽ ട്രാസ്ക് തൃശൂർ പാലക്കാടിനെതിരെ വിജയം നേടി. കോഴിക്കോടും ഫോകെ കണ്ണൂരും തമ്മിലുള്ള മത്സരം ഗോൾരഹിത സമനിലയിൽ അവസാനിച്ചു.
വയനാടിനെ തോൽപിച്ച് ഇ.ഡി.എ എറണാകുളം കരുത്തു തെളിയിച്ചു. കെ.ഇ.എ കാസർകോട് - ടിഫാക് തിരുവനന്തപുരം മത്സരം സമനിലയിൽ പിരിഞ്ഞു. സജീവ് (ട്രാസ്ക് തൃശൂർ), വിപിൻ (ഫോക് കണ്ണൂർ),നിതിൻ (ഇ.ഡി.എ എറണാകുളം), സുമേഷ് (കെ.ഇ.എ കാസർകോട്) എന്നിവരാണ് മോസ്റ്റ് വാല്യൂബ്ൾ െപ്ലയേഴ്സ്.
മൂന്നാം ഘട്ട മത്സരങ്ങളിൽ മാസ്റ്റേഴ്സ് ലീഗിൽ എംഫാക് മലപ്പുറം - വയനാട്, കെ.ഇ.എ കാസർകോട് -കോഴിക്കോട്, ഇ. ഡി.എ എറണാകുളം-ട്രാസ്ക് തൃശൂർ, ഫോക് കണ്ണൂർ -ടിഫാക് തിരുവനന്തപുരം മത്സരങ്ങൾ നടക്കും.
സോക്കർ ലീഗിൽ എംഫാക് മലപ്പുറം - ടിഫാക് തിരുവനന്തപുരത്തെയും വയനാട് -ഇ.ഡി.എ എറണാകുളത്തെയും ഫോക് കണ്ണൂർ - ട്രാസ്ക് തൃശൂരിനെയും കെ.ഇ.എ കാസർകോട് - പാലക്കാടിനെയും നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.