കല കുവൈത്ത് റിഗ്ഗയ്, റിഗ്ഗയ് എ, കെ.ആർ.എച്ച് യൂനിറ്റുകൾ സംയുക്തമായി സംഘടിപ്പിച്ച പ്രവാസി ക്ഷേമനിധി കാമ്പയിൻ
കുവൈത്ത് സിറ്റി: കല കുവൈത്ത് റിഗ്ഗയ്, റിഗ്ഗയ് എ, കെ.ആർ.എച്ച് യൂനിറ്റുകൾ സംയുക്തമായി പ്രവാസി ക്ഷേമനിധി കാമ്പയിൻ സംഘടിപ്പിച്ചു.
സിംഫണി ഹാളിൽ നടത്തിയ പരിപാടിയിൽ റിഗ്ഗയ് എ യൂനിറ്റ് കൺവീനർ അനസ് ഹുസൈൻ അധ്യക്ഷത വഹിച്ചു. കല കുവൈത്ത് പ്രസിഡന്റ് മാത്യു ജോസഫ് ഉദ്ഘാടനം ചെയ്തു.
വൈസ് പ്രസിഡന്റ് പി.വി. പ്രവീൺ, കേന്ദ്ര കമ്മിറ്റിയംഗം ശങ്കർ റാം എന്നിവർ വിവിധ പ്രവാസി ക്ഷേമ പദ്ധതികൾ വിശദീകരിച്ചു. മേഖല പ്രസിഡന്റ് അബ്ദുൽ നിസാർ സന്നിഹിതനായിരുന്നു. കേന്ദ്ര-മേഖല കമ്മിറ്റി അംഗങ്ങൾ ചടങ്ങിൽ സംബന്ധിച്ചു.
സംസ്ഥാന സർക്കാർ പ്രവാസികൾക്കായി ഏർപ്പെടുത്തിയ പ്രവാസി ക്ഷേമനിധി, നോർക്ക ഐഡന്റിറ്റി കാർഡ്, നോർക്ക ഇൻഷുറൻസ് തുടങ്ങിയ ക്ഷേമ പദ്ധതികളിൽ കാമ്പയിൻ വഴി നൂറോളം പേർ അംഗത്വമെടുത്തു.
റിഗ്ഗയ് യൂനിറ്റ് ജോയന്റ് കൺവീനർ ഷെമീർ സ്വാഗതവും കെ.ആർ.എച്ച്. യൂനിറ്റ് കൺവീനർ രവി ചന്ദ്രവയൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.