കുവൈത്ത് സിറ്റി: കല (ആർട്ട്) സംഘടിപ്പിക്കുന്ന ചിത്രരചന മത്സരമായ 'നിറം-2022'നവംബർ 18ന് അബ്ബാസിയ ആസ്പയർ ഇന്ത്യൻ ഇന്റർനാഷനൽ സ്കൂളിൽ നടക്കും. ഉച്ചക്ക് രണ്ടിന് ആരംഭിക്കും. ഒന്നുമുതൽ രജിസ്ട്രേഷൻ കൗണ്ടറിൽ ഹാജരായി ചെസ്റ്റ് നമ്പർ കൈപ്പറ്റണം. ജവഹർലാൽ നെഹ്റുവിന്റെ ജന്മദിനത്തോടനുബന്ധിച്ചു കുവൈത്തിലെ ഇന്ത്യൽ സ്കൂൾ വിദ്യാർഥികൾക്കായാണ് പരിപാടി സംഘടിപ്പിക്കുന്നത്. ഡ്രോയിങ്ങിലും പെയിന്റിങ്ങിലുമായി എൽ.കെ.ജി മുതൽ പന്ത്രണ്ടാം ക്ലാസ് വരെ നാലു ഗ്രൂപ്പുകളിലാണ് മത്സരം.
ഏഴാം ക്ലാസ് മുതൽ പന്ത്രണ്ടാം ക്ലാസ് വരെയുള്ള കുട്ടികൾക്ക് ശിൽപനിർമാണ മത്സരവും രക്ഷിതാക്കൾക്കും സന്ദർശകർക്കും പങ്കെടുക്കാവുന്ന ഓപൺ കാൻവാസ് പെയിന്റിങ്ങും ഒരുക്കും. ഒന്നാം സമ്മാനം നേടുന്നവർക്ക് സ്വർണനാണയമാണ് സമ്മാനം. രണ്ടും മൂന്നും സമ്മാനങ്ങൾക്കുപുറമെ 75 പേർക്ക് മെറിറ്റ് പ്രൈസും 10 ശതമാനം പേർക്ക് പ്രോത്സാഹന സമ്മാനവും നൽകും.
നവംബർ 15 വരെ www.kalakuwait.net എന്ന വെബ്സൈറ്റിലൂടെ ഓൺലൈൻ രജിസ്ട്രേഷൻ ചെയ്യാം. ഓൺസ്പോട്ട് രജിസ്ട്രേഷനും ഉണ്ടാകുമെന്ന് രജിസ്ട്രേഷൻ കൺവീനർ സുനിൽ കുമാർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.