കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ ജസീറ എയർവേസ് യാത്രക്കാർക്കുവേണ്ടി സജ്ജീകരിച്ച പുതിയ ടെർമിനൽ പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അസ്സബാഹ് ഉദ്ഘാടനം ചെയ്തു. വ്യോമ ഗതാഗത -സേവന മേഖലയിലെ പരിഷ്കരണങ്ങളിൽ ചെറിയ ചുവടുവെപ്പുമാത്രമാണിതെന്നും ഭാവിയിൽ കൂടുതൽ പദ്ധതികൾ വിമാനത്താവളത്തോടനുബന്ധിച്ച് പൂർത്തിയാക്കുമെന്നും പ്രധാനമന്ത്രി പറഞ്ഞു.
കുവൈത്തിനെ മേഖലയിലെ വാണിജ്യ കേന്ദ്രമാക്കി മാറ്റാനുള്ള അമീറിെൻറ കാഴ്ചപ്പാടുകൾക്കുള്ള പിന്തുണ കൂടിയാണിത്. ഉദ്ഘാടനത്തിന് ശേഷം ജസീറ എയർവേസ് ഭരണസമിതി മേധാവി മർവാൻ ബൂദിയോടൊപ്പം പ്രധാനമന്ത്രി ടെർമിനൽ ചുറ്റിക്കണ്ടു. മന്ത്രിമാരും ഉന്നത ഉദ്യോഗസ്ഥരുമുൾപ്പെടെ പ്രമുഖർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.