കുവൈത്ത് സിറ്റി: 141ാമത് ഇൻറര്‍ പാര്‍ലമെൻററി യൂനിയന്‍ കോണ്‍ഫറന്‍സില്‍ പങ്കെടുക്കാന്‍ കുവൈത്ത് പാര്‍ലമെൻറ് സ്പീക്കര്‍ മര്‍സൂഖ് അല്‍ ഗാനിം സെര്‍ബിയന്‍ തലസ്ഥാന നഗരമായ ബെൽഗ്രേഡിലെത്തി. സമ്മേളനം ഒക്ടോബര്‍ 13 മുതൽ 17 വരെ നീളും. സെര്‍ബിയന്‍ വിമാനത്താവളത്തിൽ മര്‍സൂഖ് അല്‍ ഗാനിമിനെ സെര്‍ബിയന്‍ വിദേശമന്ത്രാലയം പ്രതിനിധി സാഷ ജോവാനോവികും സെര്‍ബിയയിലെ കുവൈത്ത് അംബാസഡര്‍ യൂസുഫ് അബ്ദുല്‍ സമദും സ്വീകരിച്ചു.
പ്രാദേശിക അന്തര്‍ദേശീയ സംഭവങ്ങളെക്കുറിച്ചും വികസന പ്രവര്‍ത്തനങ്ങളെക്കുറിച്ചും അദ്ദേഹം കോണ്‍ഫറന്‍സില്‍ സംസാരിക്കുമെന്ന് പ്രാദേശിക മാധ്യമങ്ങള്‍ റിപ്പോര്‍ട്ടു ചെയ്തു. പാര്‍ലമെൻറ് ട്രഷറര്‍ മുഹമ്മദ് അല്‍ ദലാല്‍, എം.പിമാരായ അലി അല്‍ ദഖ്ബസി, സഫ അല്‍ ഹാഷിം, ഉമര്‍ തബ്തബാഇ, നാസര്‍ അൽ ദൂസരി, ഉലാം അല്‍ കൻദരി തുടങ്ങിയവരും അദ്ദേഹത്തെ അനുഗമിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.