കുവൈത്ത് സിറ്റി: രാജ്യത്തെ പ്രമുഖ സന്നദ്ധ സംഘടനയായ ബൈത്തുസ്സകാതിെൻറ ആഭിമുഖ്യത്തി ൽ രാജ്യത്തിനകത്തും മറ്റു നാടുകളിലുമായി പ്രതിദിനം വിതരണം ചെയ്യുന്നത് 3,10,260 പേർക്കുള ്ള നോമ്പുതുറ വിഭവങ്ങൾ. അൽ ജരീദ പത്രത്തിന് നൽകിയ അഭിമുഖത്തിൽ സംഘടനയുടെ സേവന വിഭാഗം ഉപമേധാവി മാജിദ് അൽ സഅ്ഫാക് ആണ് ഇക്കാര്യം അറിയിച്ചത്.
ബൈത്തുസ്സകാത് നടപ്പാക്കുന്ന പദ്ധതികളിൽ ഏറ്റവും വലുതാണ് റമദാനിലെ നോമ്പുതുറ വിഭവ വിതരണം. ലോകത്തെ 49 സ്ഥലങ്ങളിലാണ് സംഘടന പദ്ധതി നടപ്പാക്കുന്നത്. കഴിഞ്ഞ വർഷം ലോകത്തെ 47 ഇടങ്ങൾ കേന്ദ്രീകരിച്ചായിരുന്നു നോമ്പുതുറ വിതരണം നടത്തിയിരുന്നത്. കുവൈത്തിൽ വിദേശികൾ കൂടുതൽ എത്താൻ സാധ്യതയുള്ള പള്ളികൾ കേന്ദ്രീകരിച്ചാണ് പദ്ധതി നടപ്പാക്കുന്നത്. സ്വദേശികളും വിദേശികളുമുൾപ്പെടെ ഉദാര മനസ്കരിൽനിന്നാണ് ഇതിനാവശ്യമായ ധനം കണ്ടെത്തുന്നത്. 3,87,825 ദീനാറാണ് നോമ്പുതുറ പദ്ധതിക്കായ് സംഘടന മാറ്റിവെച്ചിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.