100 ഒ​രു​മ അം​ഗ​ങ്ങ​ൾ​ക്ക് സൗ​ജ​ന്യ വി​മാ​ന ടി​ക്ക​റ്റ്

കു​വൈ​ത്ത്​ സി​റ്റി: കു​വൈ​ത്തി​ൽ​നി​ന്ന് പൊ​തു​മാ​പ്പ് ഉ​പ​യോ​ഗ​പ്പെ​ടു​ത്തി നാ​ട്ടി​ൽ പോ​കു​ന്ന 100 പേ​ർ​ക്ക്​ ഒ​രു​മ പ​ദ്ധ​തി​യി​ൽ​ സൗ​ജ​ന്യ വി​മാ​ന ടി​ക്ക​റ്റ്​ ന​ൽ​കു​ന്നു. കെ.​െ​എ.​ജി കു​വൈ​ത്ത്​ ന​ട​ത്തു​ന്ന ‘ഒ​രു​മ’ സാ​മൂ​ഹി​ക​ക്ഷേ​മ പ​ദ്ധ​തി​യി​ൽ അം​ഗ​മാ​യ​വ​ർ​ക്കാ​ണ് ടി​ക്ക​റ്റ്​ ന​ൽ​കു​ന്ന​ത്. നി​ല​വി​ലെ അം​ഗ​ങ്ങ​ളി​ല്‍നി​ന്നും 100 അ​പേ​ക്ഷ ല​ഭി​ച്ചി​ട്ടി​ല്ലെ​ങ്കി​ല്‍ മു​ന്‍ വ​ര്‍ഷ​ങ്ങ​ളി​ല്‍ അം​ഗ​മാ​യ​വ​രെ​യും പ​രി​ഗ​ണി​ക്കും. 100ൽ ​കൂ​ടു​ത​ൽ അ​പേ​ക്ഷ​ക​രു​ണ്ടെ​ങ്കി​ൽ അ​ർ​ഹ​ത​ക്ക​നു​സ​രി​ച്ച്​ 100 പേ​രെ തെ​ര​ഞ്ഞെ​ടു​ക്കും.

ഏ​ഴാം വ​ർ​ഷ​ത്തി​ലേ​ക്ക് ക​ട​ന്ന ‘ഒ​രു​മ’ പ്ര​വാ​സി ക്ഷേ​മ​പ​ദ്ധ​തി​യി​ൽ പു​തു​താ​യി അം​ഗ​മാ​യ​വ​ർ ​മ​ര​ണ​പ്പെ​ട്ടാ​ൽ നോ​മി​നി​ക്ക് ര​ണ്ടു​ല​ക്ഷം രൂ​പ​യും തു​ട​ർ​ച്ച​യാ​യ ര​ണ്ടാം വ​ർ​ഷ​മാ​ണ് അം​ഗ​ത്വ​മെ​ടു​ക്കു​ന്ന​തെ​ങ്കി​ൽ മൂ​ന്നു​ല​ക്ഷം രൂ​പ​യും പ​ദ്ധ​തി​യു​ടെ തു​ട​ക്കം മു​ത​ൽ അം​ഗ​ങ്ങ​ളാ​യി തു​ട​രു​ന്ന​വ​ർ​ക്ക് നാ​ലു​ല​ക്ഷം രൂ​പ​യും സ​ഹാ​യ​ധ​നം ന​ൽ​കി​വ​രു​ന്നു. അം​ഗ​ത്വ കാ​ലാ​വ​ധി​യി​ലാ​യി​രി​ക്കെ കി​ഡ്‌​നി ഡ​യാ​ലി​സി​സ്‌, കാ​ൻ​സ​ർ, ബൈ​പ്പാ​സ്‌ സ​ർ​ജ​റി, ആ​ൻ​ജി​യോ പ്ലാ​സ്​​റ്റി എ​ന്നി​വ​യു​ടെ ചി​കി​ത്സ​ക്ക് 50,000 രൂ​പ വ​രെ ചി​കി​ത്സാ സ​ഹാ​യ​വും ന​ൽ​കു​ന്നു. ഇ​തി​നു​പു​റ​മെ​യാ​ണ്​ ഇ​ത്ത​രം അ​ധി​ക​സേ​വ​ന​ങ്ങ​ൾ. പ​ദ്ധ​തി​യി​ൽ അം​ഗ​മാ​വു​ന്ന​വ​ർ​ക്ക് ഒ​രു​മ​യു​മാ​യി സ​ഹ​ക​രി​ക്കു​ന്ന വി​വി​ധ സ്ഥാ​പ​ന​ങ്ങ​ളി​ൽ​നി​ന്നും പ്ര​ത്യേ​ക ഓ​ഫ​റു​ക​ൾ ല​ഭി​ക്കും. കൂ​ടു​ത​ൽ വി​വ​ര​ങ്ങ​ൾ​ക്ക് www.orumakuwait.com എ​ന്ന വെ​ബ്സൈ​റ്റി​ൽ ല​ഭ്യ​മാ​വും.