കുവൈത്ത് പ്രവാസം അവസാനിപ്പിച്ച് മടങ്ങുന്ന നാസ്സർ അത്തോളിക്ക് കുവൈത്ത് ഇന്ത്യൻ ഹുദാ സെന്റർ മംഗഫ് യൂനിറ്റ് നൽകിയ യാത്രയയപ്പ്
കുവൈത്ത് സിറ്റി: കുവൈത്ത് പ്രവാസം അവസാനിപ്പിച്ച് മടങ്ങുന്ന നാസ്സർ അത്തോളിക്ക് കുവൈത്ത് ഇന്ത്യൻ ഹുദാ സെന്റർ മംഗഫ് യൂനിറ്റ് യാത്രയയപ്പ് നൽകി. മംഗഫിൽ നടന്ന യൂനിറ്റ് അംഗങ്ങളുടെയും ഖുർആൻ പഠിതാക്കളുടെയും സംയുക്ത യോഗത്തിലാണ് യാത്രയയപ്പ് നൽകിയത്. യൂനിറ്റ് ജനറൽ സെക്രട്ടറി ജൈസൽ എടവണ്ണ സ്വാഗതം പറഞ്ഞ യോഗത്തിൽ മുഹമ്മദ് ഹുസൈൻ അധ്യക്ഷത വഹിച്ചു. പൊതുയോഗത്തിൽ വി.കെ. സ്വലാഹി, ആദിൽ സലഫി, എൻ.എം. അഷ്റഫ്, ജാബിർ ഹംസ, മുനീർ, റമീസ്, മുഹമ്മദ് അസ്ലം, സുഹൈൽ, ഷംസുദീൻ, ശാക്കിർ, ഫവാസ്, റഫീക്ക് എന്നിവർ സംസാരിച്ചു. ഹുദാ സെന്റർ കേന്ദ്ര ട്രഷറർ കെ.ടി. ജസീർ യാത്രയയപ്പ് യോഗത്തിൽ സംബന്ധിച്ചു.
മറുപടി പ്രസംഗത്തിൽ 32 വർഷത്തെ കുവൈത്ത് പ്രവാസ അനുഭവങ്ങൾ അബ്ദുൽ നാസ്സർ പങ്കുവെച്ചു. മംഗഫ് ഖുർആൻ ക്ലാസ് പരീക്ഷാ വിജയികളായ മുനീർ മുഹമ്മദ്, മുഹമ്മദ് അസ്ലം, കെ. സുഹൈൽ, റമീസ്, മുഹമ്മദ് ഹുസൈൻ എന്നിവർക്ക് യോഗത്തിൽ സമ്മാനങ്ങൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.