റിജു മൂകാംബികയും ജസ്നി റിജുവും വോയ്സ് കുവൈത്ത് അംഗങ്ങൾക്കൊപ്പം
കുവൈത്ത് സിറ്റി: പ്രവാസജീവിതം അവസാനിപ്പിച്ച് നാട്ടിലേക്ക് പോകുന്ന വോയ്സ് കുവൈത്ത് ഉപദേശക സമിതി അംഗം റിജു മൂകാംബികക്കും വനിതാവേദി ആർട്സ് സെക്രട്ടറി ജസ്നി റിജുവിനും വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത്) കേന്ദ്ര കമ്മിറ്റി യാത്രയയപ്പ് നൽകി.
അബ്ബാസിയ പോപ്പിൻസ് ഓഡിറ്റോറിയത്തിൽ നടന്ന ചടങ്ങിൽ വോയ്സ് കേന്ദ്ര കമ്മിറ്റി പ്രസിഡന്റ് ഷനിൽ വെങ്ങളത്ത് അധ്യക്ഷത വഹിച്ചു.
ചെയർമാൻ പി.ജി. ബിനു മുഖ്യപ്രഭാഷണം നടത്തി. കേന്ദ്ര ഉപദേശക സമിതി അംഗങ്ങളായ കെ. വിജയൻ, സജയൻ വേലപ്പൻ, സെക്രട്ടറിമാരായ ബിപിൻ കെ. ബാബു, സബീഷ് കൃഷ്ണൻ കുട്ടി, വനിതാവേദി വൈസ് പ്രസിഡന്റ് മിനികൃഷ്ണ സിറ്റി യൂനിറ്റ് ട്രഷറർ കെ.പി. സുജിത്ത്, വനിതാവേദി എക്സിക്യൂട്ടിവ് കമ്മിറ്റി അംഗം മഹേശ്വരി സബീഷ്, ഫഹാഹീൽ യൂനിറ്റ് അംഗം അശോക് കുമാർ എന്നിവർ ആശംസകൾ നേർന്നു.
ചെയർമാൻ പി.ജി. ബിനു റിജുവിനും ജസ്നിക്കും സ്നേഹോപഹാരങ്ങൾ നൽകി.
റിജുവും ജസ്നിയും മറുപടി പ്രസംഗം നടത്തി. കേന്ദ്ര ഓർഗനൈസിങ് സെക്രട്ടറി സുജീഷ് പി. ചന്ദ്രൻ സ്വാഗതവും കേന്ദ്ര ആർട്സ് സെക്രട്ടറി ജോയ് നന്ദനം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.