എ​ട്ട് രാ​ജ്യ​ങ്ങ​ളി​ൽനി​ന്നു​ള്ള പ്ര​വാ​സി​ക​ൾ​ക്ക് നി​യ​ന്ത്ര​ണം തു​ട​രും

കു​വൈ​ത്ത് സി​റ്റി: ഉ​ന്ന​ത​ത​ല സു​ര​ക്ഷ അ​നു​മ​തി​ക​ളി​ല്ലാ​തെ എ​ട്ടു രാ​ജ്യ​ങ്ങ​ളി​ൽ നി​ന്നു​ള്ള പൗ​ര​ന്മാ​ർ കു​വൈ​ത്തി​ലേ​ക്ക് പ്ര​വേ​ശി​ക്കു​ന്ന​ത് വി​ല​ക്കു​ന്ന മു​ൻ തീ​രു​മാ​ന​ത്തി​ൽ മാ​റ്റം വ​രു​ത്താ​ൻ ആ​ഭ്യ​ന്ത​ര മ​ന്ത്രാ​ല​യം വി​സ​മ്മ​തി​ച്ചു. ഇ​തു​മാ​യി ബ​ന്ധ​പ്പെ​ട്ട എ​ല്ലാ ഇ​ട​പാ​ടു​ക​ളും താ​ൽ​ക്കാ​ലി​ക​മാ​യി നി​ർ​ത്തി​വെ​ച്ച​താ​യും കു​വൈ​ത്ത് ടൈം​സ് റി​പ്പോ​ർ​ട്ട് ചെ​യ്തു.

അ​ഫ്ഗാ​നി​സ്താ​ൻ, ഇ​റാ​ൻ,ഇ​റാ​ഖ്, ല​ബ​നാ​ൻ, പാ​കി​സ്താ​ൻ, സി​റി​യ, യ​മ​ൻ, സു​ഡാ​ൻ എ​ന്നി​വ​യാ​ണ് ഈ ​രാ​ജ്യ​ങ്ങ​ൾ. മു​ൻ തീ​രു​മാ​നം കാ​ലി​ക​മാ​യി അ​വ​ലോ​ക​നം ചെ​യ്യാ​റു​ണ്ടെ​ന്നും എ​ന്നാ​ൽ മാ​റ്റ​ത്തി​ന് ആ​വ​ശ്യ​മാ​യ പു​തി​യ സം​ഭ​വ​വി​കാ​സ​ങ്ങ​ളൊ​ന്നും ഇ​ല്ലെ​ന്നും സു​ര​ക്ഷാ സ്രോ​ത​സ്സു​ക​ൾ സൂ​ചി​പ്പി​ച്ചു. ഈ ​രാ​ജ്യ​ങ്ങ​ളി​ലെ ആ​ഭ്യ​ന്ത​ര സാ​ഹ​ച​ര്യ​ങ്ങ​ൾ കാ​ര​ണം സു​ര​ക്ഷാ പ​രി​ഗ​ണ​ന​ക​ളെ അ​ടി​സ്ഥാ​ന​മാ​ക്കി​യാ​ണ് കു​വൈ​ത്ത് തീ​രു​മാ​നം.

രാ​ജ്യ​ങ്ങ​ളി​ലെ സ്ഥി​തി​ഗ​തി​ക​ൾ മെ​ച്ച​പ്പെ​ട്ടാ​ൽ അ​വ​രു​ടെ പൗ​ര​ന്മാ​ർ​ക്ക് മേ​ലു​ള്ള നി​യ​ന്ത്ര​ണ​ങ്ങ​ൾ എ​ടു​ത്തു​ക​ള​യു​മെ​ന്നും സൂ​ചി​പ്പി​ച്ചു. അ​തേ​സ​മ​യം, കു​വൈ​ത്തി​ൽ നി​ല​വി​ൽ വി​സ​യു​ള്ള ഈ ​രാ​ജ്യ​ങ്ങ​ളി​ൽ നി​ന്നു​ള്ള താ​മ​സ​ക്കാ​ർ​ക്ക് തീ​രു​മാ​നം ബാ​ധ​ക​മ​ല്ല. ഇ​വ​ർ​ക്ക് രാ​ജ്യ​ത്തേ​ക്ക് മ​ട​ങ്ങാ​നും വി​സ പു​തു​ക്കാ​നും അ​വ​കാ​ശ​മു​ണ്ടെ​ന്നും റി​പ്പോ​ർ​ട്ടി​ൽ വ്യ​ക്ത​മാ​ക്കി.