കുവൈത്ത് സിറ്റി: ക്യാപിറ്റൽ ഗവർണറേറ്റിലെ ഡ്രൈവിങ് ടെസ്റ്റ് കെട്ടിടം ഷുവൈഖിലെ പുതിയ സ്ഥലത്തേക്ക് മാറ്റുന്നതായി കുവൈത്ത് ആഭ്യന്തര മന്ത്രാലയം അറിയിച്ചു.
ജനുവരി 25 മുതൽ പുതിയ കേന്ദ്രത്തിൽ ഡ്രൈവിംഗ് ടെസ്റ്റുകൾ നടക്കുമെന്ന് ട്രാഫിക് അവബോധ വകുപ്പ് ഡയറക്ടർ കേണൽ ഫഹദ് അൽ-എസ്സ വ്യക്തമാക്കി. ഷുവൈഖിൽ ജനറൽ ട്രാഫിക് ഡിപ്പാർട്ട്മെന്റ് കെട്ടിടത്തിനടുത്താണ് പുതിയ സൗകര്യം ഒരുക്കിയിരിക്കുന്നത്. സേവന ഗുണമേന്മ വർദ്ധിപ്പിക്കുക, നടപടിക്രമങ്ങൾ കൂടുതൽ കാര്യക്ഷമമാക്കുക, പൊതുജനങ്ങൾക്ക് വേഗത്തിൽ മികച്ച സേവനം നൽകുക എന്നിവയാണ് മാറ്റത്തിന് പിന്നിലെ ലക്ഷ്യമെന്ന് മന്ത്രാലയം അറിയിച്ചു. ഗതാഗത സേവനങ്ങൾ നവീകരിക്കുന്നതിന്റെ ഭാഗമായി ഇത്തരത്തിലുള്ള പരിഷ്കാരങ്ങൾ തുടരുമെന്നും മന്ത്രാലയം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.