ഉ​ച്ച​വെ​യി​ൽ കൊ​​ള്ളേ​ണ്ട, വ​സ്ത്ര​വും ഭ​ക്ഷ​ണ​വും ശ്ര​ദ്ധി​ക്കാം

കു​വൈ​ത്ത് സി​റ്റി: ചൂ​ട് ദി​വ​സ​വും കൂ​ടിവ​രുക​യാ​ണ്. വ​രുംദി​വ​സ​ങ്ങ​ളി​ലും ക​ന​ത്ത താ​പ​നി​ല തു​ട​രു​മെ​ന്നാ​ണ് കാ​ല​ാവ​സ്ഥ നി​രീ​ക്ഷ​ണ കേ​ന്ദ്രം ന​ൽ​കു​ന്ന സൂ​ച​ന. ചൂ​ട്​ കൂ​ടു​ന്ന കാ​ല​ത്ത് പ​ല ആ​രോ​ഗ്യ പ്ര​ശ്ന​ങ്ങ​ള്‍ക്കും സാ​ധ്യ​ത ഏ​റെ​യാ​ണ്. വേ​ണ്ട മു​ൻ​ക​രു​ത​ലു​ക​ൾ എ​ടു​ത്ത് മു​ന്നോ​ട്ടു​പോ​യാ​ൽ ‘പൊ​ള്ള​ലി​ല്ലാ​തെ’ ഈ ​ചൂ​ടുകാ​ലം മ​റി​ക​ട​ക്കാം.

ഉ​ച്ച​വെ​യി​ൽ ഒ​ഴി​വാ​ക്ക​ണം

പ​ക​ൽ സ​മ​യ​ത്ത് വെ​യി​ൽ കൊ​ള്ളു​ന്ന​ത് ഒ​ഴി​വാ​ക്ക​ണം. അ​ടി​യ​ന്തര ആ​വ​ശ്യ​ങ്ങ​ൾ​ക്ക് പു​റ​ത്തി​റ​ങ്ങു​ന്ന​വ​ർ കു​ട​യോ തൊ​പ്പി​യോ ക​രു​ത​ണം. ക​ണ്ണി​ല്‍ നേ​രി​ട്ട് വെ​യി​ലു​കൊ​ള്ളു​ന്ന​ത് ത​ട​യാ​ന്‍ കൂ​ളി​ങ് ഗ്ലാ​സ് ധ​രി​ക്കാം.

നി​ല​വി​ൽ രാ​വി​ലെ 11 മു​ത​ൽ വൈ​കീ​ട്ട് നാ​ലു​വ​രെ പു​റം തൊ​ഴി​ലു​ക​ൾ​ക്ക് നി​യ​ന്ത്ര​ണ​മു​ണ്ട്. തൊ​ഴി​​ലാ​ളി​ക​ളു​ടെ ആ​രോ​ഗ്യ​വും തൊ​ഴി​ൽ സു​ര​ക്ഷ​യും ​പ​രി​ഗ​ണി​ച്ചാ​ണ്​ ഇ​ത്. നി​മ​യം ലം​ഘി​ക്കു​ന്ന​വ​ർ​ക്കെ​തി​രെ ന​ട​പ​ടി സ്വീ​ക​രി​ച്ചു​വ​രു​ന്നു​ണ്ട്. ഉ​ച്ച വി​ശ്ര​മ​വേ​ള പ്രാ​ബ​ല്യ​ത്തി​ൽ വ​ന്ന​ത്​ പു​റ​ത്ത്​ പ​ണി​യെ​ടു​ക്കു​ന്ന​വ​ർ​ക്ക് ആ​ശ്വാ​സ​മാ​യി​ട്ടു​ണ്ട്. ചൂ​ട് ഉ​യ​ർ​ന്ന​തോ​ടെ പ​ക​ൽ പു​റ​ത്തി​റ​ങ്ങു​ന്ന​ത് ആ​ളു​ക​ൾ കു​റ​ച്ചി​ട്ടു​ണ്ട്. സൂ​ഖു​ക​ളി​ലും ഷോ​പ്പി​ങ്​ മാ​ളു​ക​ളി​ലു​മെ​ല്ലാം തി​ര​ക്ക്​ കു​റ​വാ​ണ്.​

അ​യ​ഞ്ഞ വ​സ്ത്ര​ങ്ങ​ളി​ലേ​ക്ക് മാ​റാം

മ​ണി​ക്കൂ​റു​ക​ളോ​ളം ഇ​റു​കി​യ വ​സ്ത്ര​ങ്ങ​ള്‍ ധ​രി​ച്ച് ക​ഠി​ന​മാ​യ ചൂ​ടി​ല്‍ ജോ​ലി​ചെ​യ്യു​ന്ന​വ​ര്‍ക്ക് ച​ര്‍മ​രോ​ഗ​ങ്ങ​ൾ പി​ടി​പെ​ടാം. ഇ​വ​ർ ഡോ​ക്ട​റു​ടെ ഉ​പ​ദേ​ശം തേ​ട​ണം. വെ​യി​ലു​കൊ​ണ്ട് ജോ​ലി ചെ​യ്യു​ന്ന​വ​ര്‍,അ​യ​ഞ്ഞ കോ​ട്ട​ണ്‍ വ​സ്ത്രം ധ​രി​ക്ക​ണം. പൈ​പ്പു​ക​ളി​ൽ ചൂ​ടു​വെ​ള്ളം വ​രു​ന്ന​ത് ഒ​ഴി​വാ​ക്കാ​ൻ നേ​ര​ത്തേ വെ​ള്ളം സം​ഭ​രി​ച്ചു​വെ​ച്ചു വേ​ണം കു​ളി​ക്കാ​ൻ. അ​ല്ലാ​ത്ത​പ​ക്ഷം തൊ​ലി​യി​ല്‍ പാ​ടു​ക​ള്‍ പ്ര​ത്യ​ക്ഷ​പ്പെ​ടാ​നും മു​ടി കൊ​ഴി​യാ​നും സാ​ധ്യ​ത ഏ​റെ​യാ​ണ്. ചൂ​ടു​വെ​ള്ള​ത്തി​ല്‍ ഫ്രീ​സ​റി​ല്‍ സൂ​ക്ഷി​ച്ച ഐ​സു​ക​ട്ട​ക​ള്‍ ല​യി​പ്പി​ച്ച് കു​ളി​ക്കു​ന്ന​ത്​ ന​ല്ല​ത​ല്ല.

താ​പ വ്യ​തി​യാ​ന​ങ്ങ​ളും പ്ര​ശ്നം

പു​റ​ത്തെ വെ​യി​ലി​ന്‍റെ ചൂ​ടും അ​ക​ത്തെ എ.​സിയു​ടെ കൃ​ത്രി​മ​ത്ത​ണു​പ്പും ഓ​ഫി​സു​ക​ളി​ലും മ​റ്റു വ്യാ​പാ​ര​സ്ഥാ​പ​ന​ങ്ങ​ളി​ലും ജോ​ലി​ചെ​യ്യു​ന്ന​വ​ര്‍ക്ക് വി​ട്ടു​മാ​റാ​ത്ത ജ​ല​ദോ​ഷ​വും പ​നി​യും അ​നു​ഭ​വ​പ്പെ​ടാ​ന്‍ കാ​ര​ണ​മാ​വു​ന്ന​താ​യി ഡോ​ക്ട​ര്‍മാ​ര്‍ വ്യ​ക്ത​മാ​ക്കു​ന്നു. ക​ഠി​ന​മാ​യ ചൂ​ടി​ല്‍നി​ന്ന് നേ​രെ എ.​സിയു​ടെ ത​ണു​പ്പി​ലേ​ക്ക് വ​രു​മ്പോ​ഴും വൈ​റ​ൽ​പ​നി പോ​ലു​ള്ള അ​സു​ഖ​ങ്ങ​ള്‍ക്ക് സാ​ധ്യ​ത കൂ​ടു​ത​ലാ​ണ്. ശ​രീ​ര​ത്തി​ന്‍റെ താ​പം പെ​ട്ടെ​ന്ന് കു​റ​യു​ന്ന​താ​ണ് പ്ര​ധാ​ന​കാ​ര​ണം. ഈ ​അ​വ​സ​ര​ങ്ങ​ളി​ല്‍ ശ്വ​സ​നേ​ന്ദ്രി​യ​ങ്ങ​ളി​ല്‍ ബാ​ക്ടീ​രി​യ വ​ള​രാ​നും ഫം​ഗ​സ് ബാ​ധ​ക്കും സാ​ധ്യ​ത ഏ​റെ​യാ​ണ്. ഡോ​ക്ട​ര്‍മാ​രു​ടെ നി​ര്‍ദേ​ശ പ്ര​കാ​രം ആ​ന്റി​ബ​യോ​ട്ടി​ക്കു​ക​ള്‍ ക​ഴി​ച്ചാ​ല്‍ മാ​ത്ര​മേ ഇ​തി​ന് ശ​മ​നം ഉ​ണ്ടാ​വു​ക​യു​ള്ളൂ.

തു​ട​ര്‍ച്ച​യാ​യി എ.​സിയി​ല്‍ ജോ​ലി​ചെ​യ്യു​ന്ന​വ​ര്‍ക്കും ശാ​രീ​രി​ക പ്ര​യാ​സം അ​നു​ഭ​വ​പ്പെ​ടു​ന്നു. വി​ട്ടു​മാ​റാ​ത്ത ജ​ല​ദോ​ഷ​വും പ​നി​യും മൂ​ക്ക​ട​പ്പും അ​ല​ര്‍ജി​ജ​ന്യ​മാ​യ കാ​ര​ണ​ങ്ങ​ളാ​ല്‍ പി​ടി​പെ​ടു​ന്നു. ‘മൈ​ക്കോ​പ്ലാ​സ്മ ഇ​ന്‍ഫെ​ക്ഷ​ന്‍’ എ​ന്ന​പേ​രി​ല്‍ അ​റി​യ​പ്പെ​ടു​ന്ന ഈ ​രോ​ഗം വ​രു​മ്പോ​ള്‍ ചി​കി​ത്സ​തേ​ട​ണം. എ.​സി.​യു​ടെ ഫി​ല്‍ട്ട​റി​ല്‍നി​ന്ന് വ​രു​ന്ന പൊ​ടി​പ​ട​ല​ങ്ങ​ള്‍ ശ്വ​സി​ക്കേ​ണ്ടി​വ​രു​ന്ന​ത് രോ​ഗ​ത്തി​ന് പ്ര​ധാ​ന കാ​ര​ണ​മാ​ണ്. എ.​സി ഫി​ല്‍ട്ട​ര്‍ ഇ​ട​ക്കി​ട​ക്ക്​ വൃ​ത്തി​യാ​ക്ക​ണം.

പെ​ട്ടെ​ന്ന് ദ​ഹി​ക്കു​ന്ന ഭ​ക്ഷ​ണം

പെ​ട്ടെ​ന്ന് ദ​ഹി​ക്കു​ന്ന ത​ര​ത്തി​ലു​ള്ള ഭ​ക്ഷ​ണ​മാ​ണ് ചൂ​ടു​കാ​ല​ത്ത് ന​ല്ല​ത്. വേ​വ് കു​റ​ഞ്ഞ അ​രി​യു​ടെ ചോ​റും ക​ഞ്ഞി​യും കു​ടി​ക്കു​ന്ന​ത് ദ​ഹ​ന​ത്തെ സ​ഹാ​യി​ക്കും. പ​ച്ച​ക്ക​റി​ക​ളും ഇ​ല​ക്ക​റി​ക​ളും ഭ​ക്ഷ​ണ​ത്തി​ല്‍ ഉ​ള്‍പ്പെ​ടു​ത്ത​ണം. ചി​ക്ക​ന്‍, മ​ട്ട​ന്‍, ബീ​ഫ് പോ​ലു​ള്ള മാം​സാ​ഹാ​രം കു​റ​ക്കാം.

ചൂ​ടു​കാ​ല​ത്ത് ധാ​രാ​ളം വെ​ള്ളം കു​ടി​ക്ക​ണം. വെ​യി​ല​ത്തു നി​ന്ന് വ​ന്ന ഉ​ട​ന്‍ ഫ്രി​ഡ്ജി​ലെ ത​ണു​ത്ത വെ​ള്ളം കു​ടി​ക്കു​ന്ന​ത് ശ​രീ​ര​ത്തി​ന് ന​ല്ല​ത​ല്ല. തി​ള​പ്പി​ച്ചാ​റ്റി​യ വെ​ള്ളം കു​ടി​ക്കു​ന്ന​താ​ണ് ഉ​ത്ത​മം. കു​റ​ഞ്ഞ​ത് പ​ത്ത് ഗ്ലാ​സ് വെ​ള്ള​മെ​ങ്കി​ലും ഒ​രു ദി​വ​സം കു​ടി​ക്ക​ണം. പ​ഞ്ച​സാ​ര ചേ​ര്‍ന്ന പാ​നീ​യ​ങ്ങ​ള്‍ ഒ​ഴി​വാ​ക്ക​ണം. പ്ര​ത്യേ​കി​ച്ച് സോ​ഫ്റ്റ് ഡ്രി​ങ്കു​ക​ളും കാ​പ്പി​യും. ഭ​ക്ഷ​ണം കൃ​ത്യ​സ​മ​യ​ത്ത് ക​ഴി​ക്ക​ണം.