ര​ക്തം ന​ൽ​കാം ജീ​വ​ൻ ര​ക്ഷി​ക്കാം; ദേ​ശീ​യ ര​ക്ത​ദാ​ന കാ​മ്പ​യി​ന് തു​ട​ക്കം

കു​വൈ​ത്ത് സി​റ്റി: രാ​ജ്യ​ത്ത് വാ​ർ​ഷി​ക ദേ​ശീ​യ ര​ക്ത​ദാ​ന കാ​മ്പ​യി​നി​ന് ആ​രോ​ഗ്യ​മ​ന്ത്രി ഡോ. ​അ​ഹ​്മ​ദ് അ​ൽ അ​വാ​ദി തു​ട​ക്കം കു​റി​ച്ചു.കു​വൈ​ത്തി​ലെ ഇ​റാ​ഖ് അ​ധി​നി​വേ​ശ വാ​ർ​ഷി​ക​ത്തോ​ട​നു​ബ​ന്ധി​ച്ച് സം​ഘ​ടി​പ്പി​ക്കു​ന്ന കാ​മ്പ​യി​ൻ ര​ക്ത​സാ​ക്ഷി​ക​ളു​ടെ ത്യാ​ഗ​ങ്ങ​ളെ അ​നു​സ്മ​രി​ക്കു​ക​യും ദേ​ശീ​യ ഐ​ക്യ​ത്തെ പ്ര​തി​ഫ​ലി​പ്പി​ക്കു​ക​യും ചെ​യ്യു​ന്ന​താ​യി മ​ന്ത്രി പ​റ​ഞ്ഞു.

ജാ​ബ്രി​യ​യി​ലെ സെ​ൻ​ട്ര​ൽ ബ്ല​ഡ് ബാ​ങ്ക് ഉ​ൾ​പ്പെ​ടെ എ​ല്ലാ ആ​രോ​ഗ്യ കേ​ന്ദ്ര​ങ്ങ​ളി​ലും ര​ക്തം ദാ​നം ചെ​യ്യാ​ൻ സൗ​ക​ര്യ​മു​ണ്ട്. ഇ​ത് ഉ​പ​യോ​ഗ​പ്പെ​ടു​ത്താ​ൻ പൗ​ര​ന്മാ​രോ​ടും പ്ര​വാ​സി​ക​ളോ​ടും ആ​രോ​ഗ്യ​മ​ന്ത്രി അ​ഭ്യ​ർ​ഥി​ച്ചു. കാ​മ്പ​യി​ൻ ആ​രം​ഭി​ച്ച് ആ​ദ്യ ര​ണ്ട് മ​ണി​ക്കൂ​റി​നു​ള്ളി​ൽ 100 ല​ധി​കം ര​ക്ത​ബാ​ഗു​ക​ൾ ശേ​ഖ​രി​ച്ചു. പ്ര​തി​രോ​ധ, ആ​ഭ്യ​ന്ത​ര, നാ​ഷ​ണ​ൽ ഗാ​ർ​ഡ് അം​ഗ​ങ്ങ​ൾ, സി​വി​ൽ സൊ​സൈ​റ്റി സ്ഥാ​പ​ന​ങ്ങ​ൾ, സ്വ​കാ​ര്യ മേ​ഖ​ല ജീ​വ​ന​ക്കാ​ർ തു​ട​ങ്ങി സ​മൂ​ഹ​ത്തി​ന്റെ വ്യ​ത്യ​സ്ത മേ​ഖ​ല​ക​ളി​ലു​ള്ള​വ​ർ കാ​മ്പ​യി​നി​ൽ പ​ങ്കാ​ളി​ക​ളാ​യി.

മൂ​ന്നു ദി​വ​സ​ത്തെ കാ​മ്പ​യി​നി​ൽ വെ​ള്ളി, ശ​നി ദി​വ​സ​ങ്ങ​ളി​ൽ കൂ​ടു​ത​ൽ പ​ങ്കാ​ളി​ത്തം പ്ര​തീ​ക്ഷി​ക്കു​ന്നു. സ്വ​മേ​ധ​യാ ര​ക്തം ന​ൽ​കു​ന്ന​ത് പ്രോ​ത്സാ​ഹി​പ്പി​ക്കു​ന്ന​തി​നും ജീ​വ​ൻ ര​ക്ഷി​ക്കു​ന്ന​തി​നു​മാ​യി ഒ​രു പ​തി​റ്റാ​ണ്ടാ​യി ഈ ​കാ​മ്പ​യി​ൻ ന​ട​ത്തി​വ​രി​ക​യാ​ണെ​ന്ന് ര​ക്ത​പ്പ​ക​ർ​ച്ച സേ​വ​ന​ങ്ങ​ളു​ടെ ഡ​യ​റ​ക്ട​ർ ഡോ. ​റീം അ​ൽ റൗ​ദാ​ൻ പ​റ​ഞ്ഞു. ക​ഴി​ഞ്ഞ വ​ർ​ഷം ഏ​ക​ദേ​ശം 95,000 യൂ​നി​റ്റ് ര​ക്തം ഇ​ത്ത​ര​ത്തി​ൽ ശേ​ഖ​രി​ച്ചു.