കുവൈത്ത് സിറ്റി: കുവൈത്തിൽ രണ്ടുപേർ കൂടി കോവിഡ് ബാധിച്ച് മരിച്ചു. 55 വയസ്സുള്ള ഇന്ത്യക്കാരനും 49കാരനായ ബംഗ് ലാദേശിയുമാണ് മരിച്ചത്. ഇതോടെ രാജ്യത്തെ കോവിഡ് മരണം ഒമ്പതായി. 47 ഇന്ത്യക്കാർ ഉൾപ്പെടെ 80 പേർക്ക് കൂടി പുതുത ായി കോവിഡ് സ്ഥിരീകരിച്ചു. 1995 പേർക്കാണ് ഇതുവരെ വൈറസ് സ്ഥിരീകരിച്ചത്.
367 പേർ രോഗമുക്തി നേടി. ബാക്കി 1619 പ േർ ചികിത്സയിലാണ്. 39 പേരാണ് തീവ്രപരിചരണ വിഭാഗത്തിലുള്ളത്. പുതിയ കോവിഡ് ബാധിതരിൽ ആറ് കുവൈത്തികൾ, ഒരു ഇൗജിപ്ഷ്യൻ, ഒരു സിറിയക്കാരൻ എന്നിവർക്ക് വൈറസ് ബാധിച്ച വഴി കണ്ടെത്തിയിട്ടില്ല.
ഒരു കുവൈത്തി, മൂന്ന് ബംഗ്ലാദേശികൾ, അഞ്ച് ഇൗജിപ്തുകാർ, മൂന്ന് നേപ്പാൾ പൗരന്മാർ, മൂന്ന് പാകിസ്ഥാനികൾ, മൂന്ന് ഫലസ്തീനികൾ, രണ്ട് ഫിലിപ്പീൻസുകാർ, ഒരു ബിദൂനി, സ്പെയിൻ, പോർച്ചുഗൽ, സിറിയ, മോറോക്കോ എന്നിവിടങ്ങളിലെ ഒാരോരുത്തർ എന്നിവർക്കാണ് ഇന്ത്യക്കാരെ കൂടാതെ നേരത്തെ സ്ഥിരീകരിച്ചവരുമായുള്ള സമ്പർക്കത്തിലൂടെ വൈറസ് പകർന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.