കുവൈത്ത് സിറ്റി: അന്യായമായി കേസെടുത്ത കുവൈത്ത് യുവതിക്ക് 5,001 കുവൈത്ത് ദീനാർ നഷ്ടപരിഹാരം. 31 വർഷമായി നിയമ ക്കുരുക്കിൽ അകപ്പെട്ട യുവതിക്ക് കോടതിയുടെ ഇടപെടൽ വഴിയാണ് നഷ്ടപരിഹാരം ലഭിക്കുന്നത്. തെറ്റായ ജുഡീഷ്യൽ നോട്ടീസുകളുടെ ഫലമായി യുവതിക്ക് ഉണ്ടായ ഉപദ്രവത്തിന് നഷ്ടപരിഹാരം നൽകാൻ കുവൈത്ത് കോടതി അഭിഭാഷകന്റെ ഓഫിസിനോട് ഉത്തരവിടുകയായിരുന്നു. അഭിഭാഷകന്റെ ഓഫിസ് മറ്റുള്ളവർക്കുവേണ്ടി ഫയൽചെയ്ത നിരവധി കേസുകളിൽ സ്ത്രീയുടെ പേര് തെറ്റായി ഉൾപ്പെടുത്തിയതാണ് പ്രശ്നത്തിന് കാരണമെന്ന് അവരുടെ അഭിഭാഷകൻ ചൂണ്ടിക്കാട്ടി. നീതിന്യായ മന്ത്രാലയവുമായി ബന്ധിപ്പിച്ചിട്ടുള്ള ഇലക്ട്രോണിക് പോർട്ടലിൽനിന്ന് സ്ത്രീയുടെ പേര് നീക്കം ചെയ്യാനും ശ്രമം നടത്തും. നഷ്ടപരിഹാര വിധിക്കെതിരെ എതിർകക്ഷി അപ്പീൽപോകുമോ എന്ന കാര്യത്തിൽ വ്യക്തതയില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.