കുവൈത്ത് സിറ്റി: ശക്തമായ മഴയെ തുടർന്ന് ബ്രസീലിലെ സാവോപോളയിലും പരിസര പട്ടണങ്ങളിലുമുണ്ടായ പ്രളയത്തിൽ നിരവധിപേർക്ക് ജീവൻ നഷ്ടപ്പെട്ട സംഭവത്തിൽ കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് അനുശോചനം അറിയിച്ചു. ബ്രസീൽ പ്രസിഡൻറ് ജായെർ ബൊൽസൊനാറോക്ക് അയച്ച സന്ദേശത്തിൽ ദുരന്തത്തിൽ മരിച്ചവർക്ക് ആത്മശാന്തി ലഭിക്കട്ടെയെന്നും പരിക്കേറ്റവർ ഉടൻ സുഖപ്പെടട്ടെയെന്നും അമീർ പ്രാർഥിച്ചു. പ്രകൃതി ദുരന്തം മറികടക്കാൻ സുഹൃദ് രാജ്യത്തിന് സാധിക്കട്ടെയെന്നും അമീർ കൂട്ടിച്ചേർത്തു. കിരീടാവകാശി ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അസ്സബാഹ് എന്നിവരും ബ്രസീലിലെ വെള്ളപ്പൊക്ക ദുരന്തത്തിൽ അനുശോചിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.