കുവൈത്ത് സിറ്റി: 2018ലെ അറബ് വനിത പുരസ്കാരം പ്രഖ്യാപിച്ചപ്പോൾ കുവൈത്തി നടി സുആദ് അ ബ്ദുല്ലയും അംഗീകാര നിറവിൽ.
സാമൂഹിക, കല, സാംസ്കാരിക മേഖലയിൽ നൽകിയ വിവിധ സംഭാവനകൾ മാനിച്ച് അറബ് വിമൻ എസ്റ്റാബ്ലിഷ്മെൻറ് എന്ന സ്ഥാപനമാണ് ഓരോ വർഷവും പുരസ്കാര ജേതാക്കളെ തെരഞ്ഞെടുക്കുന്നത്.
ലണ്ടനിലെ ഹോട്ടലിൽ നടന്ന ചടങ്ങിൽ വിവിധ അറബ്രാജ്യങ്ങളിൽനിന്നുള്ള ജേതാക്കളോടൊപ്പം സുആദ് അബ്ദുല്ല പുരസ്കാരം ഏറ്റുവാങ്ങി.
ബ്രിട്ടനിലെ കുവൈത്ത് അംബാസഡർ ഖാലിദ് അൽ ദുവൈസാൻ ഉൾപ്പെടെ പ്രമുഖർ ചടങ്ങിൽ സംബന്ധിച്ചു. പുരസ്കാരം ലഭിച്ചതിൽ സന്തോഷമുണ്ടെന്നും ഇതര വനിതകൾക്കുകൂടി ഇത് പ്രചോദനമാകട്ടെയെന്നും കുവൈത്ത് വാർത്ത ഏജൻസിയുമായുള്ള അഭിമുഖത്തിൽ സുആദ് അബ്ദുല്ല പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.