കുവൈത്ത് സിറ്റി: ആഗസ്റ്റ് രണ്ടിന് മാസം കണ്ട് ദുൽഹജ്ജ് ഒന്ന് (ആഗസ്റ്റ് മൂന്ന്) ശ നിയാഴ്ച ആയാൽ കുവൈത്തിൽ ഒമ്പതു ദിവസം പെരുന്നാൾ അവധി ലഭിച്ചേക്കും. ആഗസ്റ്റ് രണ്ട് വെള്ളിയാഴ്ച ദുല്ഹജ്ജ് ഒന്നാണെങ്കില് അഞ്ചു ദിവസമായിരിക്കും അവധി. ഇങ്ങനെയാണെങ്കിൽ ആഗസ്റ്റ് 10 ശനിയാഴ്ച അറഫ ദിനവും 11 ഞായറാഴ്ച പെരുന്നാള് ദിനവുമായിരിക്കും. തുടര്ന്നു വരുന്ന തിങ്കൾ, ചൊവ്വ ദിവസങ്ങൾ കൂടി പെരുന്നാൾ അവധിയായി പ്രഖ്യാപിക്കും. 14 ബുധനാഴ്ച മുതൽ പ്രവൃത്തിദിനം ആരംഭിക്കും. ആഗസ്റ്റ് മൂന്ന് ശനിയാഴ്ച ദുല്ഹജ്ജ് ഒന്നാണെങ്കില് ഒമ്പത് ദിവസമായിരിക്കും അവധി.
ഇൗ നിലയിൽ അറഫ ദിനം 11 ഞായറാഴ്ചയും പെരുന്നാള് തിങ്കളാഴ്ചയുമായിരിക്കും. തുടര്ന്നുള്ള ദിവസങ്ങളായ ചൊവ്വ, ബുധന് പെരുന്നാൾ അവധിയാവും.
പെരുന്നാൾ അവധിക്കും വെള്ളി, ശനി വാരാന്ത അവധി ദിവസങ്ങൾക്കുമിടയിലുള്ള വ്യാഴാഴ്ച വിശ്രമദിനമായി പ്രഖ്യാപിച്ച് അവധിയാക്കും. ഫലത്തിൽ ഒമ്പതു ദിവസം അടുപ്പിച്ച് പെരുന്നാള് അവധി ലഭിക്കുമെന്ന് മിനിസ്റ്റീരിയൽ കൗൺസിൽ വൃത്തങ്ങളെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ട് ചെയ്തു.
മാസം കണ്ടുറപ്പിച്ചതിനു ശേഷമായിരിക്കും അവധി ഔദ്യോഗികമായി പ്രഖ്യാപിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.