അറബ് ജൂനിയർ അത്ലറ്റിക്സ് ചാമ്പ്യൻഷിപ് സ്വർണമെഡലുകൾ നേടിയ കുവൈത്ത് താരങ്ങൾ
കുവൈത്ത് സിറ്റി: തുനീഷ്യയിൽ നടന്ന 11ാമത് അറബ് ജൂനിയർ അത്ലറ്റിക്സ് ചാമ്പ്യൻഷിപ്പിൽ കുവൈത്തിന് മികച്ച നേട്ടം. മൂന്ന് സ്വർണവും രണ്ട് വെങ്കലവും അടക്കം കുവൈത്ത് അത്ലറ്റുകൾ അഞ്ചു മെഡലുകൾ നേടി.
പെൺകുട്ടികളുടെ ഹൈജംപ് മത്സരത്തിൽ യാസ്മിൻ വാലിദ്, ആൺകുട്ടികളുടെ ഹൈജംപ് മത്സരത്തിൽ മുഹമ്മദ് അൽ ദെയ്ജ്, 800 മീറ്റർ ഓട്ടത്തിൽ അബ്ദുല്ലത്തീഫ് ഫൈസൽ എന്നിവരാണ് സ്വർണം നേടിയത്. അബ്ദുൽ റഹ്മാൻ അൽ അസ്മി ലോങ് ജംപിലും മഹ്ദി അൽ സബാഗ് പോൾവോൾട്ട് മത്സരത്തിലും വെങ്കല മെഡൽ നേടി ശ്രദ്ധേയമായ നേട്ടം കൈവരിച്ചു.
അത്ലറ്റുകളുടെ മികച്ച പ്രകടനത്തിലും നേട്ടങ്ങൾക്കും കുവൈത്ത് ജൂനിയർ അത്ലറ്റിക്സ് ടീം ടെക്നിക്കൽ ഡയറക്ടർ ഡോ. നാസർ അൽ ജറല്ല അംഗങ്ങളെ അഭിനന്ദിച്ചു.
ഭാവിയിലേക്ക് മികച്ച താരങ്ങളെ വളർത്തിയെടുക്കുന്നതിനായി ഒന്നര വർഷംമുമ്പ് രൂപപ്പെടുത്തിയ പദ്ധതിയുടെ ഫലമാണ് ഇതെന്നും ഡോ. നാസർ അൽ ജറല്ല പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.