ജ​ന​സം​ഖ്യാ​നി​യ​ന്ത്ര​ണ​ത്തി​നു​ള്ള ദേ​ശീ​യ സ​മി​തി രൂ​പ​വ​ത്ക​ര​ണ​ത്തി​ന് അം​ഗീ​കാ​രം

കു​വൈ​ത്ത് സി​റ്റി: മ​ന്ത്രി​സ​ഭ​യു​ടെ പ്ര​തി​വാ​ര യോ​ഗം പ്ര​ധാ​ന​മ​ന്ത്രി ശൈ​ഖ് അ​ഹ​മ്മ​ദ് ന​വാ​ഫ് അ​ൽ അ​ഹ​മ്മ​ദ് അ​സ്സ​ബാ​ഹി​ന്റെ നേ​തൃ​ത്വ​ത്തി​ൽ സെ​യ്ഫ് പാ​ല​സി​ൽ ന​ട​ന്നു. ജ​ന​സം​ഖ്യാ​നി​യ​ന്ത്ര​ണ​ത്തി​നു​ള്ള ദേ​ശീ​യ സ​മി​തി രൂ​പ​വ​ത്ക​രി​ക്കു​ന്ന​ത് സം​ബ​ന്ധി​ച്ച മ​ന്ത്രി​ത​ല നി​യ​മ​കാ​ര്യ സ​മി​തി​യു​ടെ ശി​പാ​ർ​ശ മ​ന്ത്രി​സ​ഭ ച​ർ​ച്ച ചെ​യ്തു.

ഒ​ന്നാം ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യും ആ​ക്ടി​ങ് പ്ര​തി​രോ​ധ മ​ന്ത്രി​യു​മാ​യ ശൈ​ഖ് ത​ലാ​ൽ ഖാ​ലി​ദ് അ​ൽ അ​ഹ​മ്മ​ദ് അ​സ്സ​ബാ​ഹ് അ​ധ്യ​ക്ഷ​നാ​യ സ​മി​തി​യു​ടെ രൂ​പ​വ​ത്ക​ര​ണ​ത്തി​ന് അം​ഗീ​കാ​രം ന​ൽ​കാ​ൻ മ​ന്ത്രി​സ​ഭ തീ​രു​മാ​നി​ച്ചു.

കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ ബ്രി​ട്ട​ൻ സ​ന്ദ​ർ​ശ​ന​വും ചാ​ൾ​സ് മൂ​ന്നാ​മ​ന്റെ കി​രീ​ട​ധാ​ര​ണ ച​ട​ങ്ങി​ൽ പ​ങ്കെ​ടു​ത്ത​തും ഇ​രു രാ​ജ്യ​ങ്ങ​ളും ത​മ്മി​ലു​ള്ള ച​രി​ത്ര​പ​ര​മാ​യ ബ​ന്ധ​ത്തി​ന്റെ ആ​ഴം പ്ര​തി​ഫ​ലി​പ്പി​ക്കു​ന്ന​താ​ണെ​ന്ന് മ​ന്ത്രി​സ​ഭ യോ​ഗം വി​ല​യി​രു​ത്തി.

റോ​ഡു​ക​ൾ​ക്കും ഗ​താ​ഗ​ത​ത്തി​നും വേ​ണ്ടി​യു​ള്ള പൊ​തു അ​തോ​റി​റ്റി​യെ ഒ​ഴി​വാ​ക്കാ​നു​ള്ള ശി​പാ​ർ​ശ മ​ന്ത്രി​സ​ഭ​യു​ടെ പ്ര​തി​വാ​ര യോ​ഗ​ത്തി​ൽ അം​ഗീ​ക​രി​ച്ചു. ക​ര​ട് നി​യ​മ​ത്തി​ന് അം​ഗീ​കാ​രം ന​ൽ​കാ​ൻ മ​ന്ത്രി​സ​ഭാ​യോ​ഗം തീ​രു​മാ​നി​ച്ചു. തീ​രു​മാ​നം ദേ​ശീ​യ അ​സം​ബ്ലി​യു​ടെ അം​ഗീ​കാ​ര​ത്തി​നാ​യി സ​മ​ർ​പ്പി​ക്കു​ന്ന​തി​ന് മു​മ്പ് കി​രീ​ടാ​വ​കാ​ശി​ക്ക് റ​ഫ​ർ ചെ​യ്തു.

സു​ഡാ​നി​ലെ സൗ​ദി ക​ൾ​ച്ച​റ​ൽ അ​റ്റാ​ഷെ മ​ന്ദി​ര​ത്തി​ന് നേ​രെ സാ​യു​ധ സം​ഘം ന​ട​ത്തി​യ ആ​ക്ര​മ​ണ​ത്തി​ൽ കു​വൈ​ത്തി​ന്റെ ശ​ക്ത​മാ​യ അ​പ​ല​പ​നം കാ​ബി​ന​റ്റ് രേ​ഖ​പ്പെ​ടു​ത്തി. സൗ​ദി അ​റേ​ബ്യ​ക്കും ന​യ​ത​ന്ത്ര ദൗ​ത്യ​ങ്ങ​ളു​ടെ സു​ര​ക്ഷ നി​ല​നി​ർ​ത്തു​ന്ന​തി​ന് സ്വീ​ക​രി​ക്കു​ന്ന എ​ല്ലാ സു​ര​ക്ഷാ നി​യ​മ ന​ട​പ​ടി​ക​ൾ​ക്കും പി​ന്തു​ണ പ്ര​ഖ്യാ​പി​ച്ചു.