അമീർ കപ്പിൽ ജനമൊഴുകി: കാണികൾക്ക്​​ വീണ്ടും വിലക്ക്

കു​വൈ​ത്ത്​ സി​റ്റി: സാ​മൂ​ഹി​ക അ​ക​ലം പാ​ലി​ക്കു​ന്ന​ത്​ ഉ​ൾ​പ്പെ​ടെ ആ​രോ​ഗ്യ സു​ര​ക്ഷ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​പ്പെ​ടാ​തി​രു​ന്ന​തോ​ടെ കു​വൈ​ത്തി​ൽ ഫു​ട്​​ബാ​ൾ സ്​​റ്റേ​ഡി​യ​ത്തി​ലേ​ക്ക്​ കാ​ണി​ക​ളു​ടെ പ്ര​വേ​ശ​നം വീ​ണ്ടും വി​ല​ക്കി. സ്​​പോ​ർ​ട്​​സ്​ പ​ബ്ലി​ക്​ അ​തോ​റി​റ്റി​യാ​ണ്​ ത​ൽ​ക്കാ​ല​ത്തേ​ക്ക്​ വീ​ണ്ടും നി​യ​ന്ത്ര​ണം പ്ര​ഖ്യാ​പി​ച്ച​ത്. ആ​രോ​ഗ്യ സു​ര​ക്ഷ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്കാ​ൻ കൃ​ത്യ​മാ​യ മാ​ർ​ഗ​രേ​ഖ​യും ക​ർ​മ​പ​ദ്ധ​തി​യും ആ​വി​ഷ്​​ക​രി​ച്ച​തി​ന്​ ശേ​ഷം പ്ര​വേ​ശ​നം വീ​ണ്ടും അ​നു​വ​ദി​ക്കും. ഇ​തി​നാ​യി അ​ധി​കൃ​ത​ർ ഞാ​യ​റാ​ഴ്​​ച യോ​ഗം ചേ​രു​ന്നു​ണ്ട്. ക​ഴി​ഞ്ഞ ദി​വ​സം ന​ട​ന്ന അ​മീ​ർ ക​പ്പ്​ ഫു​ട്​​ബാ​ൾ സെ​മി ഫൈ​ന​ലി​ൽ ഗാ​ല​റി​യി​ൽ കാ​ണി​ക​ൾ നി​റ​ഞ്ഞു​ക​വി​ഞ്ഞി​രു​ന്നു. ക​ഴി​ഞ്ഞ വ​ർ​ഷം സ്​​റ്റേ​ഡി​യ​ത്തി​ൽ കാ​ണി​ക​ൾ ഇ​ല്ലാ​തെ​യാ​ണ്​ അ​മീ​ർ ക​പ്പ്​ ന​ട​ത്തി​യ​തെ​ങ്കി​ൽ ഇ​ത്ത​വ​ണ നി​യ​ന്ത്ര​ണ​ങ്ങ​ളോ​ടെ കാ​ണി​ക​ൾ​ക്ക്​ പ്ര​വേ​ശ​നം അ​നു​വ​ദി​ച്ചി​രു​ന്നു. സ്​​റ്റേ​ഡി​യ​ത്തി​െൻറ ശേ​ഷി​യു​ടെ 30 ശ​ത​മാ​നം കാ​ണി​ക​ളെ മാ​ത്രം പ്ര​വേ​ശി​പ്പി​ക്ക​ണ​മെ​ന്ന നി​ബ​ന്ധ​ന​യോ​ടെ​യാ​ണ്​ മ​ന്ത്രി​സ​ഭ കാ​ണി​ക​ളെ ഉ​ൾ​ക്കൊ​ള്ളി​ക്കു​ന്ന​തി​ന്​ അ​നു​മ​തി ന​ൽ​കി​യ​ത്.

പ്ര​തി​രോ​ധ കു​ത്തി​വെ​പ്പ്​ എ​ടു​ത്ത​വ​ർ​ക്ക്​ മാ​ത്ര​മാ​ണ്​ പ്ര​വേ​ശ​നം എ​ന്നും മ​ന്ത്രി​സ​ഭ തീ​രു​മാ​നി​ച്ചി​രു​ന്നു. എ​ന്നാ​ൽ, ക​ഴി​ഞ്ഞ ദി​വ​സം കാ​ണി​ക​ളു​ടെ കു​ത്തൊ​ഴു​ക്കി​ൽ ഇ​ത്​ പ​രി​ശോ​ധി​ക്കാ​ൻ ക​ഴി​ഞ്ഞി​ല്ല. അ​നു​വ​ദി​ക്ക​പ്പെ​ട്ട പ​രി​ധി​യേ​ക്കാ​ൾ ര​ണ്ടി​ര​ട്ടി ആ​ളു​ക​ൾ ക​ളി കാ​ണാ​നെ​ത്തി. ന​വം​ബ​ർ 23നാ​ണ്​ അ​മീ​ർ ക​പ്പ്​ ഫു​ട്​​ബാ​ൾ ഫൈ​ന​ൽ. കു​വൈ​ത്തി​ൽ ഏ​റ്റ​വു​മ​ധി​കം ആ​രാ​ധ​ക​രു​ള്ള കു​വൈ​ത്ത്​ സ്​​പോ​ർ​ട്​​സ്​ ക്ല​ബും ഖാ​ദി​സി​യ​യു​മാ​ണ്​ ക​ലാ​ശ​പ്പോ​രി​ൽ ഏ​റ്റു​മു​ട്ടു​ന്ന​ത്. അ​തി​നി​ട​ക്ക്​ അ​ധി​കൃ​ത​ർ നി​യ​ന്ത്രി​ത പ്ര​വേ​ശ​ന​ത്തി​ന്​ വ​ഴി കാ​ണു​മെ​ന്നാ​ണ്​ പ്ര​തീ​ക്ഷ. അ​തി​നി​ട​ക്ക്​ ന​ട​ക്കു​ന്ന മ​റ്റു മ​ത്സ​ര​ങ്ങ​ൾ​ക്ക്​ കാ​ണി​ക​ളെ അ​നു​വ​ദി​ക്കി​ല്ല.