ടെന്റിന് തീപിടിച്ചത് ഫയർഫോഴ്സ് അണക്കുന്നു
കുവൈത്ത് സിറ്റി: സുലൈബിയയിൽ വീടിനു സമീപത്തെ ടെന്റിന് തീപിടിച്ചു. അഗ്നിരക്ഷാസംഘം ഉടൻ ഇടപെട്ടതിനാൽ ആർക്കും പരിക്കുകളില്ലാതെ തീ നിയന്ത്രിച്ചതായി അധികൃതർ അറിയിച്ചു. വൈകീട്ട് സുലൈബിയ മേഖലയിൽ വീടിന് തീപിടിച്ചതായി സെൻട്രൽ ഓപറേഷൻസ് വിഭാഗത്തിന് റിപ്പോർട്ട് ലഭിച്ചതായി ജനറൽ ഫയർഫോഴ്സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു.
സെൻട്രൽ ഓപറേഷൻസ് ഡിപ്പാർട്മെന്റ് സുലൈബിഖാത്ത്, ഇസ്തിഖ്ലാൽ അഗ്നിരക്ഷാ കേന്ദ്രങ്ങളോട് ഉടൻ സ്ഥലത്തെത്താൻ നിർദേശം നൽകി.സംഘം എത്തിയപ്പോൾ വീടിന് പുറത്തുള്ള ടെന്റിൽ തീപടർന്നതായി കണ്ടെത്തി. ഉടൻ തന്നെ തീ നിയന്ത്രണവിധേയമാക്കിയതായും ഫയർഫോഴ്സ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.