നെസ്റ്റോ ഹൈപ്പർ മാർക്കറ്റിന്റെ പുതിയ ഔട്ട്ലറ്റ് മഹ്ബൂലയിൽ തലാൽ ഉബൈദ് സല്ലൊം
മുഹമ്മദ് ഉദ്ഘാടനം ചെയ്യുന്നു
കുവൈത്ത് സിറ്റി: മഹ്ബൂലയിൽ നെസ്റ്റോ ഹൈപ്പർ മാർക്കറ്റിന്റെ പുതിയ ഔട്ട്ലറ്റ് പ്രവർത്തനം ആരംഭിച്ചു. ബ്ലോക്ക് -രണ്ടിൽ, സ്ട്രീറ്റ് -201ലാണ് പുതിയ ഔട്ട്ലറ്റ്. നെസ്റ്റോ കുവൈത്ത് ഡയറക്ടർമാരായ കരീം വി.എം, എ.എം. ഇബ്രാഹിം, ഓപറേഷൻ മാനേജർമാരായ വി.കെ. നംസീർ, ഷഹാസ് മുഹമ്മദ് മറ്റു മാനേജ്മെന്റ് പ്രതിനിധികൾ എന്നിവരുടെ സാന്നിധ്യത്തിൽ തലാൽ ഉബൈദ് സല്ലൊം മുഹമ്മദ് ഉദ്ഘാടനം നിർവഹിച്ചു. നെസ്റ്റോ ഹൈപ്പർ മാർക്കറ്റിന്റെ കുവൈത്തിലെ 11ാമത്തെ ശാഖയാണിത്.
ഷോപ്പിങ് ഏരിയ മികച്ച രീതിയിൽ സജ്ജീകരിച്ചിരിക്കുന്നതിനാൽ ജനങ്ങൾക്ക് വേറിട്ട അനുഭവമായിരിക്കുമെന്നും മിതമായ വില, സൗകര്യപ്രദം, മികവുറ്റ സേവനം എന്നിവ ഉറപ്പുവരുത്തുന്ന കാര്യത്തിൽ നെസ്റ്റോ ഗ്രൂപ് എപ്പോഴും ശ്രദ്ധാലുക്കളാണെന്നും മാനേജ്മന്റ് വാർത്തക്കുറിപ്പിൽ അറിയിച്ചു. അവശ്യസാധനങ്ങൾ, ലൈഫ്സ്റ്റൈല് ഉൽപന്നങ്ങൾ, ഫ്രഷ്-ഫ്രോസന് ഫുഡ്, മത്സ്യം, മാംസ്യം, പഴവർഗങ്ങൾ, പച്ചക്കറികൾ, പലവ്യഞ്ജനം, ഇലക്ട്രോണിക്സ്, വീട്ടുസാധനങ്ങള് എന്നിങ്ങനെ എല്ലാം മികച്ചരീതിയിൽ ഒരുക്കിയിട്ടുണ്ട്. ഭക്ഷണസാധനങ്ങൾ, പലചരക്ക്, ഇലക്ട്രോണിക്സ്, ഗൃഹോപകരണങ്ങൾ എന്നിവക്ക് ആകർഷക ഓഫറും ഒരുക്കിയിട്ടുണ്ട്. അടുത്തദിവസങ്ങളില് കൂടുതല് ഉൽപന്നങ്ങള്ക്ക് പുതിയ ഓഫറുകള് പ്രഖ്യാപിക്കുമെന്നും മാനേജ്മെന്റ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.