കുവൈത്ത് സിറ്റി: കുവൈത്തിൽ 60 ഇന്ത്യക്കാർ അടക്കം 77 പേർക്ക് കൂടി കോവിഡ് സ്ഥിരീകരിച്ചു. രണ്ട് ഇന്ത്യക്കാർക് ക് ഏതുവഴിയാണ് രോഗം വന്നതെന്ന് കണ്ടെത്തിയിട്ടില്ല. ബാക്കിയുള്ളവർ നേരത്തെ രോഗം സ്ഥിരീകരിച്ചവരുമായി സമ്പ ർക്കം പുലർത്തിയവരാണ്. 225 ഇന്ത്യക്കാർക്കാണ് കുവൈത്തിൽ കൊറോണ വൈറസ് സ്ഥിരീകരിച്ചത്.
ഫ്രാൻസിൽനിന്ന് വന്ന കുവൈത്തി, നേരത്തെ രോഗം സ്ഥിരീകരിച്ചവരുമായി സമ്പർക്കം പുലർത്തിയ രണ്ട് കുവൈത്തികൾ, എട്ട് പാകിസ്ഥാൻ പൗരന്മാർ, മൂന്ന് ബംഗ്ലാദേശികൾ, രണ്ട് ഇൗജിപ്തുകാർ, ഒരു ഇറാൻ പൗരൻ എന്നിവർക്കാണ് ഇന്ത്യക്കാരെ കൂടാതെ ഞായറാഴ്ച വൈറസ് സ്ഥിരീകരിച്ചത്. ഇതോടെ രാജ്യത്തെ കോവിഡ് ബാധിതരുടെ എണ്ണം 556 ആയി ഉയർന്നു.
ഞായറാഴ്ചത്തെ ആറുപേരടക്കം 99 പേർ രോഗമുക്തരായി. ബാക്കി 456 പേരാണ് ചികിത്സയിലുള്ളത്. തീവ്രപരിചരണ വിഭാഗത്തിൽ 17 പേരുണ്ട്. ഒരാൾ മരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.