കുവൈത്ത് സിറ്റി: വിശുദ്ധ റമദാന്െറ അവസാനം അറിയിച്ച് ഈദുല് ഫിത്ര് സമാഗതമാകുന്നതോടെ സ്വദേശികളും വിദേശികളുമുള്പ്പെടെ 1,77,283 പേര് കുവൈത്ത് അന്താരാഷ്ട്ര വിമാനത്താവളം വഴി വിവിധ രാജ്യങ്ങളിലേക്ക് പറക്കും. ജൂലൈ അഞ്ചുമുതല് ഒമ്പതുവരെ ദിവസങ്ങളില് പെരുന്നാള് അവധി തങ്ങളുടെ നാടുകളില് ചെലവഴിക്കാന് പോകുന്ന വിദേശികളുടെയും അവധിക്കാലം കുടുംബത്തോടൊപ്പം മറ്റു നാടുകളില് ചെലവഴിക്കാന്പോകുന്ന സ്വദേശികളുടെയും കണക്കാണിത്. വിവിധ ട്രാവല് ഏജന്സികള് നല്കിയ വിമാന ടിക്കറ്റ് ബുക്കിങ് വിവരങ്ങളെ അടിസ്ഥാനമാക്കി സിവില് വിയേഷന് പൊതുസുരക്ഷാ വിഭാഗം മേധാവി ഇമാദ് അല്ജലവിയാണ് ഇക്കാര്യം വെളിപ്പെടുത്തിയത്. ഇത്രയും യാത്രക്കാര്ക്കായി 1,289 വിമാന ഷെഡ്യൂളുകളാണ് തയാറാക്കിയിരിക്കുന്നത്. അതേസമയം, റമദാന് ഒന്നുമുതല് അവസാന പത്തുവരെ ദിവസങ്ങളില് 2,21,000 പേര് വിമാനത്താവളം വഴി വിവിധ നാടുകളിലേക്ക് യാത്രയായതായി അദ്ദേഹം വ്യക്തമാക്കി. പെരുന്നാള് അവധിയോടനുബന്ധിച്ചുണ്ടായേക്കാവുന്ന തിരക്ക് കണക്കിലെടുത്ത് വിമാനത്താവളത്തില് യാത്രക്കാര്ക്കുവേണ്ട എല്ലാ സൗകര്യങ്ങളും പൂര്ത്തിയാക്കിയിട്ടുണ്ടെന്ന് ഇമാദ് അല്ജലവി കൂട്ടിച്ചേര്ത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.