കിങ് ഹമദ് ഗ്ലോബൽ സെന്റർ ഫോർ പീസ് ഫുൾ കോ എക്സിസ്റ്റൻസിന്റെ ആഭിമുഖ്യത്തിൽ
കൈറോയിൽ നടന്ന സമ്മേളനത്തിൽ പങ്കെടുക്കുന്ന ശൂറ കമ്മിറ്റിയുടെ യുവജനകാര്യ സമിതി
ചെയർപേഴ്സൻ സബീഖ ഖലീഫ ആൽ ഫദല
മനാമ: കിങ് ഹമദ് ഗ്ലോബൽ സെന്റർ ഫോർ പീസ് ഫുൾ കോ എക്സിസ്റ്റൻസിന്റെ ആഭിമുഖ്യത്തിൽ ഈജിപ്തിൽ ‘ദി കിങ്ഡം ഓഫ് ബഹ്റൈൻ പ്രഖ്യാപനം’ നടന്നു.ബഹ്റൈൻ രാജാവ് ഹമദ് ബിൻ ഈസ ആൽ ഖലീഫയുടെ ലോക സമാധാനത്തിനുള്ള നിർദേശങ്ങൾ അടങ്ങിയതാണ് പ്രഖ്യാപനം.
സമാധാനപരമായ സഹവർത്തിത്വമാണ് കിങ് ഹമദ് ഗ്ലോബൽ സെന്റർ ഫോർ പീസ് ഫുൾ കോ എക്സിസ്റ്റൻസ് മുന്നോട്ടുവെക്കുന്നത്. മതസ്വാതന്ത്ര്യം, മതാന്തര സംവാദം, സമാധാനപരമായ സഹവർത്തിത്വം തുടങ്ങിയവ പ്രോത്സാഹിപ്പിക്കുകയും തീവ്രവാദം, അക്രമം, വിദ്വേഷം എന്നിവക്കെതിരെ പോരാടുകയുമാണ് ലക്ഷ്യം.
അന്താരാഷ്ട്ര സർവകലാശാലകളുമായി സഹകരിച്ച്, സഹിഷ്ണുതയിൽ വിശ്വസിക്കുന്ന യുവതലമുറയെ വാർത്തെടുക്കാനുള്ള നടപടികളും സെന്ററിന്റെ ആഭിമുഖ്യത്തിൽ നടക്കുന്നു. കെയ്റോയിൽ നടന്ന ചടങ്ങിൽ ശൂറ കമ്മിറ്റിയുടെ യുവജനകാര്യ സമിതി ചെയർപേഴ്സൻ സബീല ഖലീഫ ആൽ ഫദല സംസാരിച്ചു. അംബാസഡർമാരും നയതന്ത്ര ഉദ്യോഗസ്ഥരുമടക്കം പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.