നീ​ന്ത​ൽ ച​ല​ഞ്ച്; താരങ്ങളെ സ്വീകരിക്കാനെത്തി ശൈ​ഖ് ഖാ​ലി​ദ്

മ​നാ​മ: സ​ല്ലാ​ഖി​ൽ സ​മാ​പി​ച്ച നീ​ന്ത​ൽ ച​ല​ഞ്ചി​ൽ താരങ്ങളെ സ്വീകരിക്കാനെത്തി ​ബഹ്​​റൈ​ൻ ഒ​ളി​മ്പി​ക്​ ക​മ്മി​റ്റി ചെ​യ​ർ​മാ​നും യു​വ​ജ​ന, കാ​യി​ക സു​പ്രീം​കൗ​ൺ​സി​ൽ ഒ​ന്നാം വൈ​സ്​ ചെ​യ​ർ​മാ​നു​മാ​യ ശൈ​ഖ്​ ഖാ​ലി​ദ്​ ബി​ൻ ഹ​മ​ദ്​ ആ​ൽ ഖ​ലീ​ഫ.

ച​ല​ഞ്ചി​ൽ പ​ങ്കെ​ടു​ത്ത നീ​ന്ത​ൽ താ​ര​ങ്ങ​ളാ​യ അ​ബ്ദു​ല്ല അ​തി​യ, ഫാ​ത്തി​മ അ​ൽ മ​ഹ്മൂ​ദ്, മ​റി​യം ബി​ൻ ലാ​ദ​ൻ, ആ​ൻ​ഡ്രൂ ഡൊ​ണാ​ൾ​ഡ്സ​ൺ എ​ന്നി​വ​രെ ഫി​നി​ഷി​ങ് ലൈ​നാ​യ സ​ല്ലാ​ഖി​ലി​ൽ ശൈ​ഖ് ഖാ​ലി​ദ് സ്വാ​ഗ​തം ചെ​യ്തു. 10 കി​ലോ​മീ​റ്റ​ർ ദൂ​രം ഓ​രോ മൂ​ന്ന് മ​ണി​ക്കൂ​റു​ക​ളെ​ടു​ത്ത് വ്യ​ത്യ​സ്ത റൗ​ണ്ടു​ക​ളി​ലൂ​ടെ ആ​കെ 180 കി​ലോ​മീ​റ്റ​റാ​ണ് ഇ​വ​ർ പൂ​ർ​ത്തി​യാ​ക്കി​യ​ത്. 59 മ​ണി​ക്കൂ​ർ, 59 മി​നി​റ്റ്, 6.5 സെ​ക്ക​ൻ​ഡ് എ​ടു​ത്താ​ണ് ച​ല​ഞ്ച് പൂ​ർ​ത്തി​യാ​ക്കി​യ​ത്. താ​ര​ങ്ങ​ളു​ടെ നേ​ട്ട​ത്തെ പ്ര​ശം​സി​ച്ച് ശൈ​ഖ് ഖാ​ലി​ദ് അ​വ​രു​ടെ നി​ശ്ച​യ​ദാ​ർ​ഢ്യ​വും പ്ര​തി​ബ​ദ്ധ​ത​യും ആ​ത്മ​വി​ശ്വാ​സ​വും യു​വ​സ​മൂ​ഹ​ത്തി​ന് മി​ക​ച്ച സ​ന്ദേ​ശ​മാ​ണെ​ന്നും ഉ​ണ​ർ​ത്തി. ച​ല​ഞ്ച് പൂ​ർ​ത്തി​യാ​ക്കി​യ​തി​ൽ ത​ങ്ങ​ൾ അ​ഭി​മാ​നി​ക്കു​ന്നു​വെ​ന്നും ശൈ​ഖ് ഖാ​ലി​ദി​ന് ന​ന്ദി അ​റി​യി​ക്കു​ന്ന​താ​യും നീ​ന്ത​ൽ താ​ര​ങ്ങ​ൾ പ​റ​ഞ്ഞു.