മ​ത്സ​രം വീ​ക്ഷി​ക്കു​ന്ന ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ

എ​ൻ​ഡു​റ​ൻ​സ് റൈ​ഡ് ഫെ​സ്റ്റി​വ​ലി​ൽ വീ​ക്ഷി​ക്കാ​നെ​ത്തി ശൈ​ഖ് നാ​സ​ർ

 മ​നാ​മ: മ​ജ​സ്റ്റി കി​ങ്സ് ക​പ്പ് എ​ൻ​ഡു​റ​ൻ​സ് റൈ​ഡ് ഫെ​സ്റ്റി​വ​ലി​ൽ പ​ങ്കെ​ടു​ത്ത് മാ​നു​ഷി​ക കാ​ര്യ​ങ്ങ​ൾ​ക്കും യു​വ​ജ​ന​കാ​ര്യ​ങ്ങ​ൾ​ക്കു​മു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ. ബ​ഹ്റൈ​ൻ ഇ​ന്‍റ​ർ​നാ​ഷ​ന​ൽ എ​ൻ​ഡു​റ​ൻ​സ് വി​ല്ലേ​ജി​ൽ ബ​ഹ്റൈ​ൻ റോ​യ​ൽ ഇ​ക്വ​സ്ട്രി​യ​ൽ ആ​ൻ​ഡ് എ​ൻ​ഡു​റ​ൻ​സ് ഫെ​ഡ​റേ​ഷ​ൻ (ബ്രീ​ഫ്) സം​ഘ​ടി​പ്പി​ച്ച മ​ത്സ​ര​ത്തി​ൽ വി​വി​ധ എ​ൻ​ഡു​റ​ൻ​സ് വി​ഭാ​ഗ​ങ്ങ​ളി​ലാ​യി നി​ര​വ​ധി റൈ​ഡ​ർ​മാ​ർ മാ​റ്റു​ര​ച്ചു. ശൈ​ഖ് നാ​സ​ർ മ​ത്സ​ര​ങ്ങ​ൾ ആ​വേ​ശ​പൂ​ർ​വം വീ​ക്ഷി​ക്കു​ക​യും ആ​സ്വ​ദി​ക്കു​ക​യും ചെ​യ്തു.

 

കു​തി​ര​യോ​ട്ട മ​ത്സ​ര​ത്തി​ൽ​നി​ന്ന്

പി​ന്നീ​ട് ജൂ​നി​യേ​ഴ്സ് 120 കി​ലോ​മീ​റ്റ​ർ മ​ത്സ​ര​ത്തി​ന് മാ​ർ​ഗ​നി​ർ​ദേ​ശ​ങ്ങ​ളും പി​ന്തു​ണ​യു​മാ‍‍യി ശൈ​ഖ് നാ​സ​ർ ക​ള​ത്തി​ലു​മി​റ​ങ്ങി. കു​തി​ര​സ​വാ​രി​ക്കു​ള്ള രാ​ജ​കീ​യ പി​ന്തു​ണ അ​ദ്ദേ​ഹം മ​ത്സ​രാ​ർ​ഥി​ക​ളെ​യും സം​ഘാ​ട​ക​രെ​യും അ​റി​യി​ച്ചു. രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ൽ കു​തി​ര​സ​വാ​രി വി​നോ​ദ​ങ്ങ​ൾ, മ​ത്സ​ര​ങ്ങ​ൾ പ്ര​ത്യേ​കി​ച്ച് എ​ൻ​ഡു​റ​ൻ​സ് റേ​സി​ങ് വി​ക​സി​പ്പി​ക്കു​ന്ന​തി​നു​ള്ള പ്ര​തി​ബ​ദ്ധ​ത​യെ​യും അ​ദ്ദേ​ഹം സൂ​ചി​പ്പി​ച്ചു. ഹ​മ​ദ് രാ​ജാ​വി​ന്‍റെ പി​ന്തു​ണ എ​ൻ​ഡു​റ​ൻ​സ് കാ​യി​ക വി​നോ​ദ​ങ്ങ​ളു​ടെ വ​ള​ർ​ച്ച​ക്കും മ​ത്സ​രാ​ർ​ഥി​ക​ളു​ടെ​യും പ​രി​ശീ​ല​ക​രു​ടെ​യും പു​രോ​ഗ​തി​ക്കും കാ​ര​ണ​മാ​യി​ട്ടു​ണ്ടെ​ന്നും ശൈ​ഖ് നാ​സ​ർ പ​റ​ഞ്ഞു.

ജൂ​നി​യേ​ഴ്സ് മ​ത്സ​ര​ത്തി​ലെ വി​ജ​യി​ക​ളെ അ​ഭി​ന​ന്ദി​ച്ച അ​ദ്ദേ​ഹം വ​രാ​നി​രി​ക്കു​ന്ന മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്ന മ​റ്റു മ​ത്സ​രാ​ർ​ഥി​ക​ൾ​ക്ക് വി​ജ​യാ​ശം​സ​ക​ൾ നേ​രു​ക​യും ചെ​യ്തു. ശേ​ഷം വി​ജ​യി​ക​ൾ​ക്ക് ഖ​ത്ത​ർ എ​ൻ​ഡു​റ​ൻ​സ് റേ​സി​ങ് ക്ല​ബി​ന്റെ ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ ശൈ​ഖ് മു​ഹ​മ്മ​ദ് ബി​ൻ ന​വാ​ഫ് ആ​ൽ​ഥാ​നി​യു​ടെ സാ​ന്നി​ധ്യ​ത്തി​ൽ ശൈ​ഖ് നാ​സ​ർ സ​മ്മാ​നം വി​ത​ര​ണം ചെ​യ്തു.

Tags:    
News Summary - Sheikh Nasser came to watch the Endurance Ride Festival

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.