ലോകത്തിെൻറ വിവിധ പ്രദേശങ്ങളിലുണ്ടാകുന്ന വിപത്തുകളിലും ദുരന്തങ്ങളിലും മാതൃകാ പരമായ പ്രവര്ത്തനങ്ങളാണ് റെഡ്ക്രോസ് കാഴ്ചവെക്കുന്നത്
മനാമ: റെഡ്ക്രോസ് സൊസൈ റ്റിയുടെ പ്രവര്ത്തനങ്ങള് മനുഷ്യസേവന മേഖലക്ക് കരുത്തുപകരുന്നതാണെന്ന് നീതിന്യായ-ഇസ്ലാമിക കാര്യ-ഒൗഖാഫ് മന്ത്രി ശൈഖ് ഖാലിദ് ബിന് അലി ആല് ഖലീഫ വ്യക്തമാക്കി. റെഡ് ക്രോസ് സൊസൈറ്റി ഇൻറര്നാഷനല് കമ്മിറ്റി പ്രതിനിധി സംഘാംഗം ഉമര് വര്ദയെ സ്വീകരിച്ച് സംസാരിക്കുകയായിരുന്നു അദ്ദേഹം.
ലോകത്തിെൻറ വിവിധ പ്രദേശങ്ങളിലുണ്ടാകുന്ന വിപത്തുകളിലും ദുരന്തങ്ങളിലും മാതൃകാപരമായ പ്രവര്ത്തനങ്ങളാണ് റെഡ്ക്രോസ് കാഴ്ച വെക്കുന്നത്. സമാധാനവും ശാന്തിയും സഹവര്ത്തിത്വവും ശക്തിപ്പെടുത്തുന്നതിനുള്ള സന്ദേശമാണ് ബഹ്റൈന് നല്കാനുദ്ദേശിക്കുന്നത്. മനുഷ്യാവകാശങ്ങള് മാനിക്കാനും പരസ്പരം ബഹുമാനിക്കാനുമാണ് ഇസ്ലാം പഠിപ്പിക്കുന്നത്. ഈ മഹിത മൂല്യങ്ങള് പിന്തുടര്ന്നാണ് ബഹ്റൈന് മുന്നോട്ടു നീങ്ങുന്നതെന്നും മന്ത്രി ചൂണ്ടിക്കാട്ടി. കൂടിക്കാഴ്ചയില് നാഷനല് കമീഷന് ഫോര് ഹ്യുമാനിറ്റേറിയന് ലോ വൈസ് ചെയര്മാന് മന്സൂര് അഹ്മദ്, ബഹ്റൈന് റെഡ് ക്രസൻറ് സൊസൈറ്റി ജനറല് സെക്രട്ടറി ഡോ. ഫൗസി അമീന് എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.