Posted On
date_range Updated On
date_range ഓണനിലാവ്
ഓണനിലാവ്
പടിവാതിൽക്കൽ
മെല്ലെ വന്നണയുമ്പോൾ,
ഓർമ്മകളിൽ വീണ്ടും
ഒരു ബാല്യം
പൂത്തിടുന്നു…
മുറ്റത്തെ പൂക്കളത്തിൽ
നിറങ്ങൾ നിറയുമ്പോൾ,
മനസ്സിൽ അറിയാതെ
പുഞ്ചിരി വിരിയുന്നു…
അമ്മയൊരുക്കിയ സദ്യയുടെ മണം
കാറ്റിൽ നിറയുന്ന പോലെ,
നാടിന്റെ ഓർമ്മകൾ
ഹൃദയത്തെ തഴുകിടുന്നു…
ഓണക്കോടിയണിഞ്ഞ്
കാത്തുനിന്നിരുന്ന നാളുകൾ,
കൂട്ടുകാരോടൊത്ത്
ചിരിച്ചും കളിച്ചും തീർത്ത നിമിഷങ്ങൾ…
എത്രയോ ദൂരെയായാലും
നാടിന്റെ സ്നേഹം
മനസ്സിൽ നിന്ന് മായുന്നില്ല…
സ്നേഹത്തിൻ പൂക്കളാൽ
ഒരു പൂക്കളം തീർത്ത്,
എല്ലാ ഹൃദയങ്ങളിലും
ഓണം നിറയട്ടെ. ..
ഓർമകളിൽ എന്നും
മണമുള്ളൊരു പൂവായ്
വിരിഞ്ഞു നിൽക്കട്ടെ പൊന്നോണം..
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.