മസ്കത്ത്: ഖരീഫ് സീസൺ മുൻനിർത്തി സലാലയിലേക്കുള്ള പ്രതിവാര സർവിസുകൾ വർധിപ്പിക്കുമെന്ന് ഒമാൻ എയർ അറിയിച്ചു. നിലവിൽ 56 പ്രതിവാര സർവിസുകളാണ് ഉള്ളത്. ഇത് ജൂലൈ ഒന്നുമുതൽ 91 ആയാണ് വർധിപ്പിക്കുക. സെപ്റ്റംബർ 15 വരെയാണ് അധിക സർവിസുകൾ ഉണ്ടാവുക. ചെറിയ പെരുന്നാൾ അവധിക്കാലത്ത് ചില ദിവസങ്ങളിൽ ടിക്കറ്റ് നിരക്കിൽ വർധനവുണ്ട്.
വർധിച്ച ആവശ്യം മുൻനിർത്തിയാണ് നിരക്കുകളിലെ ഇൗ വർധന. ജൂൺ 12ന് മസ്കത്തിൽനിന്നും ജൂൺ 19ന് സലാലയിൽനിന്ന് തിരിച്ചുമുള്ള ടിക്കറ്റുകൾ 61.9 റിയാലിന് ലഭ്യമാണ്. സലാലയിലേക്കുള്ള യാത്ര ജൂൺ 13 ന് രാവിലെ ഒമ്പതു മണി വരെയുള്ള സർവിസുകളിലേക്ക് ആക്കിയാലും ഇൗ നിരക്ക് ലഭ്യമാണ്. 13ന് വൈകീട്ട് ഏഴിന് ശേഷം മസ്കത്തിൽനിന്ന് പുറപ്പെടുകയും 19ന് തിരിച്ചുവരുകയും ചെയ്യുന്ന സർവിസുകളുടെ ടിക്കറ്റ് 66.900 റിയാലിനാണ് വിറ്റുപോയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.