മനാമ: സന്ദർശക വിസയിൽ ബഹ്റൈനിലെത്തിയ മലയാളി കെട്ടിടത്തിൽ നിന്ന് വീണു മരിച്ചു. നിലമ്പൂർ ചക്കാലക്കുത്ത് ക ോട്ടായി ഹൗസിൽ അഷീർ (37) ആണ് മരിച്ചത്. ഗുദൈബിയ പഴയ രാജധാനി ഹോട്ടലിനു സമീപത്തെ ഫ്ലാറ്റിൽ നിന്നാണ് താഴെ വീണത്. പുലർച്ചെയായിരുന്നു സംഭവം. കെട്ടിടത്തിൽ നിന്ന് താഴേക്ക് വീഴുന്ന ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്.
ഒന്നരവർഷം മുമ്പ് ബഹ്റൈനിൽ നിന്ന് നാട്ടിലേക്ക് പോയ അഷീർ കഴിഞ്ഞ മാർച്ച് 28 നാണ് സന്ദർശക വിസയിൽ തിരിച്ചെത്തിയത്.
ഭാര്യ ഷബ്നയും മക്കളും നാട്ടിലാണ്. പൊലീസ് എത്തി മൃതദേഹം ആശുപത്രിയിലേക്ക് മാറ്റി. സാമൂഹിക പ്രവർത്തകരായ സുബൈർ കണ്ണൂർ, സലാം മമ്പാട്ടുമൂല എന്നിവർ ആശുപത്രിയിലെത്തി മൃതദേഹം നാട്ടിലെത്തിക്കാനാവശ്യമായ നടപടി ക്രമങ്ങൾക്ക് നേതൃത്വം നൽകുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.