മനാമ: വരാൻപോകുന്ന സ്കൂൾ അവധിക്കാലത്തിൽ ബഹ്റൈനിൽ നിന്ന് നാട്ടിലേക്ക് പോകാൻ തയ്യാറെടുക്കുന്ന കുടുംബങ്ങൾക്ക് ശുഭ വാർത്ത. മുൻ വർഷത്തെക്കാൾ ടിക്കറ്റ് ചാർജിൽ കാര്യമായ കുറവ് ഉണ്ടായിരിക്കുന്നു. പ്രധാനമായും കോഴിക്കോടേക്ക് ഇൗ മാസം 15 മുതൽ ഗൾഫ് എയർ സർവീസ് ആരംഭിച്ചതാണ് നിരക്ക് കുറയാൻ കാരണമെന്ന് പറയപ്പെടുന്നു.
മുമ്പ് 160 മുതൽ 180 ദിനാർ വരെ ഉണ്ടായിരുന്നത് ഇപ്പോൾ120-140 ദിനാർ എന്ന നിലയിലേക്ക് കുറഞ്ഞിട്ടുണ്ട്. ഗൾഫ് എയർ കോഴിക്കോടേക്ക് സർവീസ് തുടങ്ങുന്നത് യാത്രികർക്ക് അനുഗ്രഹമായെന്നാണ് ഇൗ രംഗത്തുള്ളവർ പറയുന്നത്. ജൂൺ അവസാന ആഴ്ച മുതൽ ജൂലൈ ആദ്യവാരം വരെയായി ആയിരക്കണക്കിന് മലയാളി കുടുംബങ്ങളാണ് കേരളത്തിലേക്ക് പോകുന്നത്.
ഇത്തിഹാദ് എയർലൈൻസ്, ഒമാൻ എയർ എന്നിവർ മാസങ്ങൾക്ക് മുെമ്പ കേരളത്തിലേക്ക് അവധിക്കാല ഒാഫർ പ്രഖ്യാപിച്ചിരുന്നു. ഇതു പ്രകാരം ബുക്ക് ചെയ്തവർക്ക് മടക്കയാത്ര ഉൾപ്പെടെ 140 ദിനാറോളമാണ് നൽകണ്ടേി വന്നത്. വിവിധ വിമാന കമ്പനികളുടെ നിരവധി വിമാനങ്ങളാണ് ബഹ്റൈനിൽ നിന്ന് ദിനം പ്രതി കേരളത്തിലേക്ക് സർവീസ് നടത്തുന്നത്.
ഇത്തിഹാദ് എയർലൈൻസ്, ഒമാൻ എയർ തിരുവനന്തപുരത്തേക്കും കൊച്ചിയിലേക്കും കോഴിക്കോടേക്കും സർവീസ് നടത്തുന്നുണ്ട്. എമിറേറ്റ്സ് കൊച്ചി, തിരുവനന്തപുരം എന്നിവിടങ്ങളിലേക്കും എയർ ഇന്ത്യ എക്സ് പ്രസ് കൊച്ചി, കോഴിക്കോടേക്കും സർവീസ് നടത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.