കുവൈത്ത്​ ഇന്നൊവേഷൻ അവാർഡ്​ ബഹ്​റൈന്​ മികവ്​

മനാമ: കുവൈത്ത്​ ഏർപ്പെടുത്തിയ ഇന്നൊവേഷൻ അവാർഡിന്​ ബഹ്​റൈൻ അർഹമായി. മുനിസിപ്പൽ, കാർഷിക മന്ത്രാലയത്തിനാണ്​ സാമൂഹിക പങ്കാളിത്ത അവാർഡ്​ ലഭിച്ചത്​. മന്ത്രാലയം നടപ്പാക്കിയ വനവത്​കരണ പദ്ധതിയാണ്​ നേട്ടത്തിന്​ കാരണമായത്​. മുനിസിപ്പൽ, കാർഷിക മ​ന്ത്രാലയത്തിലെ മുനിസിപ്പൽകാര്യ അണ്ടർ സെക്രട്ടറി ശൈഖ്​ മുഹമ്മദ്​ ബിൻ അഹ്​മദ്​ ആൽ ഖലീഫ അവാർഡ്​ ഏറ്റുവാങ്ങി. ​

ഇത്തരമൊരു നേട്ടത്തിന്​ കാരണം രാജാവ്​ ഹമദ്​ ബിൻ ഈസ ആൽ ഖലീഫയുടെ വികസന കാഴ്ചപ്പാടുകളും കിരീടാവകാശിയും പ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ പിന്തുണയും ഉപപ്രധാനമന്ത്രി ശൈഖ്​ ഖാലിദ്​ ബിൻ അബ്​ദുല്ല ആൽ ഖലീഫയുടെ കൃത്യമായ ഫോളോഅപ്​ കൊണ്ടാണെന്ന്​ മന്ത്രി വാഇൽ ബിൻ നാസിർ അൽ മുബാറക്​ വ്യക്തമാക്കി. ഇവ​രാണ്​​ ഈ നേട്ടത്തിന്‍റെ കാരണമെന്നും അദ്ദേഹം ചൂണ്ടിക്കാട്ടി. ഭരണാധികാരികൾക്ക്​ പ്രത്യേകം ഇതിനായി നന്ദി അറിയിക്കുകയും ചെയ്​തു. മന്ത്രാലയത്തിലെ മുഴുവൻ ഉദ്യോഗസ്ഥർക്കും ജീവനക്കാർക്കും പദ്ധതിയുമായി പല തലത്തിലും സഹകരിച്ച ഏവർക്കും അദ്ദേഹം നന്ദി പ്രകാശിപ്പിക്കുകയും ചെയ്​തു.