മനാമ: ചുട്ടുപൊള്ളുന്ന വേനലിൽ ദാഹിച്ചുവലയുന്ന പറവകൾക്ക് ദാഹജലമൊരുക്കി ബഹ്റൈൻ കെ.എം.സി.സി കോഴിക്കോട് ജില്ല കമ്മിറ്റി മാതൃകയാകുന്നു.
‘പറവകൾക്ക് ഒരു തുള്ളി ദാഹജലം ചാലഞ്ച്’കാമ്പയിെൻറ ജില്ലതല ഉദ്ഘാടനം ബഹ്റൈൻ കെ.എം.സി.സി അധ്യക്ഷൻ ഹബീബ് റഹ്മാൻ നിർവഹിച്ചു. ഭൂമിയിലെ എല്ലാ ജീവജാലങ്ങളോടും കരുണ കാണിക്കണമെന്ന ചലഞ്ച് കാമ്പയിൻ പ്രവാസികൾ ഏറ്റെടുക്കണമെന്ന് അദ്ദേഹം പറഞ്ഞു.
ചടങ്ങിൽ ജില്ല നേതാക്കളായ ശരീഫ് വില്യാപ്പള്ളി, അബൂബക്കർ ഹാജി മുട്ടുങ്ങൽ, ഇസ്ഹാഖ് വില്യാപ്പള്ളി, അസീസ് പേരാമ്പ്ര, ഹസൻ കോയ പൂനത്, കാസിം നൊച്ചാട്, ജെ.പി.കെ. തിക്കോടി, ശിഹാബ് പ്ലസ് എന്നിവർ സന്നിഹിതരായിരുന്നു. ജില്ലയിലെ എല്ലാ മണ്ഡലം, പഞ്ചായത്ത്‌ കമ്മിറ്റികളും ഈ പദ്ധതിയുടെ ഭാഗമായി പറവകൾക്ക് ദാഹജലം ഒരുക്കുമെന്ന് ജില്ല ആക്ടിങ് പ്രസിഡൻറ് ശരീഫ് വില്യാപ്പള്ളി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.