ഖാലിദ് ചോലയിലിന് സമീർ ഹസൻ ഉപഹാരം കൈമാറുന്നു
മനാമ: 40 വർഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് തിരിക്കുന്ന ഫ്രൻഡ്സ് സോഷ്യൽ അസോസിയേഷന്റെ സജീവ പ്രവർത്തകനായ ഖാലിദ് ചോലയിലിന് അസോസിയേഷൻ യാത്രയയപ്പ് നൽകി. സംഘടനയുടെ വിവിധ യൂനിറ്റുകളുടെ പ്രസിഡൻറ്, സെക്രട്ടറി, കേന്ദ്ര ജനറൽ സെക്രട്ടറി, കേന്ദ്ര സമിതി അംഗം, വിവിധ വകുപ്പുകളുടെ സെക്രട്ടറി എന്നീ ചുമതലകൾ വഹിച്ച അദ്ദേഹം, ഏൽപിക്കപ്പെടുന്ന ഉത്തരവാദിത്തങ്ങൾ ഭംഗിയായി നിർവഹിക്കാനും സൗമ്യമായ ഇടപെടലുകൾ കൊണ്ട് മറ്റുള്ളവരെ ചേർത്തുപിടിക്കാനും പ്രത്യേക പാടവമുള്ള വ്യക്തിയാണെന്ന് യാത്രയയപ്പ് യോഗത്തിൽ സംസാരിച്ചവർ അഭിപ്രായപ്പെട്ടു.
നാലു പതിറ്റാണ്ടുനീണ്ട പ്രവാസ ജീവിതത്തിനുശേഷം സന്തോഷത്തോടെയും ഏറെ സംതൃപ്തിയോടെയുമാണ് നാട്ടിലേക്ക് തിരിച്ചുപോകുന്നതെന്ന് അദ്ദേഹം മറുപടി പ്രസംഗത്തിൽ വ്യക്തമാക്കി. സിഞ്ചിലെ ഫ്രൻഡ്സ് സെന്ററിൽ സംഘടിപ്പിച്ച പരിപാടിയിൽ ആക്ടിങ് പ്രസിഡൻറ് സമീർ ഹസൻ അധ്യക്ഷത വഹിച്ചു. ജനറൽ സെക്രട്ടറി സഈദ് റമദാൻ നദ്വി സ്വാഗതവും വൈസ് പ്രസിഡന്റ് ജമാൽ നദ്വി സമാപനവും നിർവഹിച്ചു. എ.എം. ഷാനവാസ്, സക്കീർ ഹുസൈൻ, ബദ്റുദ്ദീൻ പൂവാർ, വി.കെ. അനീസ്, മജീദ് തണൽ, അഹ്മദ് റഫീഖ്, മുഹമ്മദലി മലപ്പുറം തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.