മനാമ: കേരള കാത്തലിക് അസോസിയേഷന്െറ (കെ.സി.എ) നേതൃത്വത്തില് നടത്തുന്ന ‘യു.എ.ഇ എക്സ്ചേഞ്ച് കെ.സി.എ ടാലന്റ് സ്കാന്’ കലാ മത്സരങ്ങള് ജനുവരിയില് നടക്കും. സ്റ്റേജ്, സ്റ്റേജ് ഇതര വിഭാഗങ്ങളിലായി 37 ഇനങ്ങളിലാണ് മത്സരങ്ങള് നടക്കുകയെന്ന് സംഘാടകര് വാര്ത്താസമ്മേളനത്തില് അറിയിച്ചു. ഡിസംബര് 22ന് പരിപാടിയുടെ ഒൗപചാരിക ഉദ്ഘാടനം നടക്കും. സ്കൂള് അവധി കഴിഞ്ഞ ശേഷം ജനുവരി അഞ്ചിനാണ് മത്സരങ്ങള് ആരംഭിക്കുക. അഞ്ച് മുതല് 18 വയസ്സ് വരെയുള്ള കുട്ടികളെ വയസ്സിന്െറ അടിസ്ഥാനത്തില് നാല് വിഭാഗങ്ങളായി തിരിച്ചാണ് മത്സരം.
ബഹ്റൈനില് പഠിക്കുന്ന ഇന്ത്യക്കാരായ കുട്ടികള്ക്ക് പങ്കെടുക്കാം. കവിതാപാരായണം, ചിത്രരചന, കഥ പറച്ചില്, ചെറുകഥ- ഉപന്യാസ രചന, പ്രസംഗ മത്സരം, ക്രിസ്തീയ ഭക്തിഗാനം, കര്ണാടക സംഗീതം, ഉപകരണ സംഗീതം, മോഹിനിയാട്ടം, ഭരതനാട്യം, കുച്ചുപ്പുടി, നാടോടി നൃത്തം, മോണോ ആക്ട്, പ്രച്ഛന്ന വേഷം തുടങ്ങിയ ഇനങ്ങളിലാണ് മത്സരങ്ങള് നടക്കുന്നത്. ജനുവരിയില് വിവിധ ദിവസങ്ങളിാണ് പരിപാടികള് അരങ്ങേറുക.
ഡിസംബര് ഒന്ന് മുതല് 15 വരെയാണ് രജിസ്ട്രേഷന്. പങ്കെടുക്കുന്ന മുഴുവന് പേര്ക്കും സര്ട്ടിഫിക്കറ്റുകള് സമ്മാനിക്കും. ആദ്യ മൂന്ന് സ്ഥാനക്കാര്ക്ക് ട്രോഫികളും നല്കും.
വിവിധ വിഭാഗങ്ങളില് കൂടുതല് പോയന്റ് നേടുന്നവര്ക്ക് നാട്യരത്ന, സംഗീത രത്ന, കലാരത്ന, സാഹിത്യരത്ന അവാര്ഡുകളും കലാതിലകം, പ്രതിഭ പുരസ്കാരങ്ങളും നല്കും.
കെ.സി.എ പ്രസിഡന്റ് കെ.പി. ജോസ്, ജനറല് സെക്രട്ടറി വിജു കല്ലറ ജോസ്, വൈസ് പ്രസിഡന്റ് ടി.ഒ. ജോണ്സണ്, അസി. ജനറല് സെക്രട്ടറി വര്ഗീസ് ജോസഫ്, യു.എ.ഇ എക്സ്ചേഞ്ച് ബഹ്റൈന് ജനറല് മാനേജര് വിനീഷ് കുമാര്, ടാലന്റ് സ്കാന് ജനറല് കണ്വീനര് ജോസ് ഫ്രാന്സിസ് എന്നിവര് വാര്ത്താസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.