ബഹ്റൈന് സെന്റ് മേരീസ് കത്തീഡ്രലിന്റെ വികാരി റവ. ഫാദര് ജേക്കബ് തോമസ് കാരയ്ക്കലിന് സെന്റ് തോമസ് യുവജന പ്രസ്ഥാനം നല്കിയ യാത്രയയപ്പ് സമ്മേളനത്തില്നിന്ന്
മനാമ: ബഹ്റൈന് സെന്റ് മേരീസ് ഇന്ത്യന് ഓര്ത്തഡോക്സ് കത്തീഡ്രലിന്റെ വികാരിയും സെന്റ് തോമസ് ഓര്ത്തഡോക്സ് ക്രൈസ്തവ യുവജന പ്രസ്ഥാനത്തിന്റെ പ്രസിഡണ്ടുമായ റവ. ഫാദര് ജേക്കബ് തോമസ് കാരയ്ക്കലിന് യുവജന പ്രസ്ഥാനത്തിന്റെ നേത്യത്വത്തില് യാത്രയയപ്പ് നല്കി. ഇടവക സഹ വികാരി റവ. ഫാദര് തോമസുകുട്ടി പി.എന്നിന്റെ അധ്യക്ഷതയില് കൂടിയ യോഗത്തിന് സെക്രട്ടറി മാക്സ് മാത്യൂസ് സ്വാഗതം പറഞ്ഞു.
കത്തീഡ്രല് ട്രസ്റ്റി ജോണ് കെ.പി, സെക്രട്ടറി കുരുവിള പാപ്പി, ജിനു ചെറിയാന്, സിമി മേരി ബേബി, ബോണി മുളപ്പാം പള്ളില്, അന്നമ്മ തോമസ് എന്നിവര് ആശംസകള് അര്പ്പിച്ചു. അലീന റിജിന്, ജെറിന് ജോര്ജ്ജ്, റിയ ജെയ്സ്, ജെറിന് രാജ് സാം എന്നിവരുടെ ഗാനങ്ങള് പ്രോഗ്രാമിന് മികവേറി. ബഹു. ജേക്കബ് അച്ചന് പ്രസ്ഥാനത്തിന്റെ ഉപഹാരം നല്കുകയും കഴിഞ്ഞ മൂന്ന് വര്ഷങ്ങളില് ചെയ്തു തന്ന കരുതലിന് അദ്ദേഹം നന്ദി അര്പ്പിക്കുകയും ചെയ്തു. പ്രോഗ്രാമിന്റെ കോടിനേറ്റര് ജസ്റ്റിന് മാത്യൂ വര്ക്കി വന്നുചേര്ന്ന ഏവരോടും ഉള്ള നന്ദി അറിയിക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.