ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്സാപ് നമ്പറിലോ സംശയങ്ങൾ അയക്കാം. ഇവിടെ നൽകുന്ന വിവരങ്ങൾ നിയമോപദേശമായി കണക്കാക്കരുത്. വ്യക്തമായ നിയമോപദേശം ലഭിക്കാൻ ഒരു ബഹ്റൈനി അഭിഭാഷകനെ സമീപിക്കണം.
ഇവിടത്തെ തൊഴിൽ നിയമപ്രകാരം രണ്ടുവർഷം മാത്രം ജോലിചെയ്ത് നാട്ടിലേക്ക് പോയാലും ഇൻഡെമിനിറ്റി ലഭിക്കാൻ അർഹതയുണ്ട്. ഓരോ വർഷത്തെയും 15 ദിവസത്തെ അടിസ്ഥാന ശമ്പളമാണ് ലഭിക്കുന്നത്. കഴിഞ്ഞ വർഷം ഫെബ്രുവരി വരെയുള്ളത് തൊഴിലുടമ നൽകും. കഴിഞ്ഞ വർഷം മാർച്ച് മുതൽ തൊഴിലുടമ ഇത് ഗോസിയിലാണ് നൽകുന്നത്. നിങ്ങൾ ഇവിടെ നിന്ന് ജോലി അവസാനിപ്പിച്ച് പോകുമ്പോൾ ആ വിഹിതം ഗോസിയിൽ നിന്നും ലഭിക്കും. അതിനായി ഓൺലൈനായി അപേക്ഷ നൽകണം
രണ്ടുവർഷം ജോലി ചെയ്ത കമ്പനിയിൽ നിന്നും ആദ്യത്തെ രണ്ട് വർഷത്തെ ഇൻഡെമിനിറ്റിയേ ലഭിക്കുള്ളു. പുതിയ കമ്പനിയിൽ ഒരു വർഷം ജോലി ചെയ്തതിന് പുതിയ കമ്പനിയിൽനിന്നാണ് ഇൻഡെമിനിറ്റി ലഭിക്കുക. കഴിഞ്ഞ വർഷം മാർച്ച് മുതലുള്ള ഇൻഡെമിനിറ്റി മാത്രമേ ഗോസിയിൽ നിന്നും ലഭിക്കുള്ളൂ. അതിനുമുമ്പുള്ളത് തൊഴിലുടമയാണ് നൽകേണ്ടത്.
2024 ഫെബ്രുവരി വരെയുള്ള ഇൻഡെമിനിറ്റി കമ്പനി താങ്കളുടെ ബേസിക് സാലറിയുടെ അടിസ്ഥാനത്തിൽ തരണം. ബാക്കിയുള്ള ഇൻഡെമിനിറ്റി ഗോസിയിൽ നിന്നും ലഭിക്കും. അതും ഗോസിയിൽ നൽകിയിട്ടുള്ള ബേസിക് സാലറിയുടെ അടിസ്ഥാനത്തിലായിരിക്കും. വേറെ കമ്പനി മാറിയാൽ അവിടത്തെ സാലറി അടിസ്ഥാനത്തിലായിരിക്കും ഇൻഡെമിനിറ്റി ലഭിക്കുക.
ഫാമിലി വിസയിലേക്ക് മാറിയാലും ജോലി ചെയ്ത സമയത്തെ ഇൻഡെമിനിറ്റി ലഭിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.