പു​തി​യ അ​ധ്യ​യ​ന​വ​ർ​ഷ​ത്തി​ൽ വി​ദ്യാ​ർ​ഥി​ക​ളെ വ​ര​വേ​റ്റ് അ​ൽ നൂ​ർ ഇ​ന്‍റ​ർ​നാ​ഷ​ന​ൽ സ്കൂ​ൾ

മ​നാ​മ: ര​ണ്ട് മാ​സ​ത്തെ വേ​ന​ല​വ​ധി​ക്കു​ശേ​ഷം അ​ൽ നൂ​ർ ഇ​ന്‍റ​ർ​നാ​ഷ​ന​ൽ സ്കൂ​ൾ 2025-26 അ​ധ്യ​യ​ന​വ​ർ​ഷം ആ​രം​ഭി​ച്ചു. പു​ത്ത​ൻ ഉ​ന്മേ​ഷ​ത്തോ​ടും ആ​കാം​ക്ഷ​യോ​ടും വി​ദ്യാ​ർ​ഥി​ക​ളെ​ല്ലാം തി​രി​കെ സ്കൂ​ളി​ലേ​ക്കെ​ത്തി. തി​രി​കെ​യെ​ത്തി​യ വി​ദ്യാ​ർ​ഥി​ക​ളെ പ്രി​ൻ​സി​പ്പ​ൽ അ​ബ്ദു​ൽ റ​ഹ്മാ​ൻ അ​ൽ കൂ​ഹേ​ജി, കി​ന്‍റ​ർ​ഗാ​ർ​ട​ൻ, പ്രൈ​മ​റി, മി​ഡി​ൽ, സീ​നി​യ​ർ വി​ഭാ​ഗ​ങ്ങ​ളി​ലെ നേ​തൃ​ത്വ ടീ​മി​നൊ​പ്പം ചേ​ർ​ന്ന് ഊ​ഷ്മ​ള​മാ​യി സ്വീ​ക​രി​ച്ചു. അ​ധ്യാ​പ​ക​രും ജീ​വ​ന​ക്കാ​രും ചേ​ർ​ന്ന് ഓ​രോ കു​ട്ടി​ക്കും ആ​വ​ശ്യ​മാ​യ എ​ല്ലാ സ​ഹാ​യ​ങ്ങ​ളും ന​ൽ​കി.

പു​തി​യ അ​ധ്യ​യ​ന​വ​ർ​ഷ​ത്തി​ൽ അ​റി​വും വ്യ​ക്തി​ത്വ​വും വ​ള​ർ​ത്താ​ൻ വി​ദ്യാ​ർ​ഥി​ക​ളെ സ​ഹാ​യി​ക്കു​ക എ​ന്ന​താ​ണ് സ്കൂ​ളി​ന്റെ ല​ക്ഷ്യം. അ​ധ്യാ​പ​ക​ർ കു​ട്ടി​ക​ളു​മാ​യി വീ​ണ്ടും ബ​ന്ധ​പ്പെ​ടാ​നും പു​തി​യ പാ​ഠ്യ​പ​ദ്ധ​തി​ക​ൾ ആ​രം​ഭി​ക്കാ​നും ഉ​ത്സാ​ഹ​ത്തി​ലാ​യി​രു​ന്നു. വി​ദ്യാ​ർ​ഥി​ക​ൾ ത​ങ്ങ​ളു​ടെ സു​ഹൃ​ത്തു​ക്ക​ളു​മാ​യി ഒ​ത്തു​ചേ​ർ​ന്നും പു​തി​യ കൂ​ട്ടു​കാ​രെ പ​രി​ച​യ​പ്പെ​ട്ടും വേ​ന​ല​വ​ധി​യി​ലെ വി​ശേ​ഷ​ങ്ങ​ൾ പ​ങ്കു​വെ​ച്ചു. അ​ക്കാ​ദ​മി​ക രം​ഗ​ത്തും പാ​ഠ്യേ​ത​ര പ്ര​വ​ർ​ത്ത​ന​ങ്ങ​ളി​ലും സ​ജീ​വ​മാ​കാ​നു​ള്ള അ​വ​രു​ടെ താ​ൽ​പ​ര്യം ശ്ര​ദ്ധേ​യ​മാ​യി​രു​ന്നു.

സ്കൂ​ളി​ന് എ​ല്ലാ പി​ന്തു​ണ​യും ന​ൽ​കു​ന്ന ര​ക്ഷി​താ​ക്ക​ളോ​ടു​ള്ള ന​ന്ദി രേ​ഖ​പ്പെ​ടു​ത്തി​യ സ്കൂ​ൾ മാ​നേ​ജ്മെ​ന്‍റ്, വി​ദ്യാ​ർ​ഥി​ക​ൾ​ക്ക് അ​വ​സ​ര​ങ്ങ​ളും വ​ള​ർ​ച്ച​യും വി​ജ​യ​ങ്ങ​ളും നി​റ​ഞ്ഞ ഒ​രു വ​ർ​ഷം ആ​ശം​സി​ച്ചു.