കാ​ര​വ​നു​മാ​യി ക​ട​ൽ​തീ​ര​ത്ത്​ ഇ​നി സു​ഖ​വാ​സം

ദോ​ഹ: കാ​ര​വ​നു​മാ​യെ​ത്തി സീ​ലൈ​നി​ലെ ക​ട​ൽ​തീ​ര​ത്ത്​ ര​ണ്ടു രാ​ത്രി​വ​രെ താ​മ​സി​ക്കാ​നും ഉ​ല്ല​സി​ക്കാ​നും സൗ​ക​ര്യ​മൊ​രു​ക്കു​ന്ന മോ​​ട്ടോ​ർ ഹോം ​പ​ദ്ധ​തി​യു​മാ​യി ഖ​ത്ത​ർ പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം. മ​ന്ത്രാ​ല​യ​ത്തി​നു കീ​ഴി​ലെ നാ​ച്വ​റ​ൽ റി​സ​ർ​വ്​ വി​ഭാ​ഗ​മാ​ണ്​ മോ​​ട്ടോ​ർ​ഹോം ഉ​ട​മ​ക​ൾ​ക്കാ​യി സീ​ലൈ​നി​ൽ ​മു​ഴു​വ​ൻ സ​ജ്ജീ​ക​ര​ണ​ങ്ങ​ളു​മാ​യി പ്ര​ത്യേ​ക മേ​ഖ​ല ത​ന്നെ തു​റ​ന്നു ന​ൽ​കി​യ​ത്. ഇ​ക്കോ ടൂ​റി​സ​ത്തി​ന്​ പ്രോ​ത്സാ​ഹ​നം ന​ൽ​കു​ക​യെ​ന്ന ല​ക്ഷ്യ​വു​മാ​യാ​ണ്​ പ​ദ്ധ​തി. വൈ​ദ്യു​തി, വെ​ള്ളം, മാ​ലി​ന്യ സം​സ്​​ക​ര​ണം, വെ​ളി​ച്ചം ഉ​ൾ​പ്പെ​ടെ മു​ഴു​വ​ൻ സേ​വ​ന​ങ്ങ​ളും ഏ​ർ​പ്പെ​ടു​ത്തി​യ മോ​​ട്ടോ​ർ ഹോം ​ക​ഴി​ഞ്ഞ ദി​വ​സം തു​റ​ന്നു ന​ൽ​കി.

കാ​ര​വ​നു​മാ​യെ​ത്തു​ന്ന​വ​ർ​ക്ക്​ മി​ക​ച്ച സൗ​ക​ര്യ​ങ്ങ​ളോ​ടെ പ​ര​മാ​വ​ധി ര​ണ്ടു രാ​ത്രി​ക​ൾ വ​രെ ത​ങ്ങാം. അ​ടു​ത്ത ഏ​പ്രി​ലി​ലാ​ണ്​ പ​ദ്ധ​തി​യു​ടെ ഔ​പ​ചാ​രി​ക ഉ​ദ്​​ഘാ​ട​ന​മെ​ന്ന്​ മ​ന്ത്രാ​ല​യം അ​റി​യി​ച്ചു. ഖ​ത്ത​റി​ലെ​യും ജി.​സി.​സി രാ​ജ്യ​ങ്ങ​ളി​ലെ​യും പൗ​ര​ന്മാ​രു​ടെ ഉ​ട​മ​സ്ഥ​ത​യി​ലു​ള്ള കാ​ര​വ​നു​ക​ൾ​ക്കാ​യി​രി​ക്കും താ​മ​സി​ക്കാ​ൻ അ​നു​വാ​ദം ന​ൽ​കു​ന്ന​ത്. പ്ര​കൃ​തി​യോ​ടി​ണ​ങ്ങി​യ സാ​ഹ​ച​ര്യ​ത്തി​ൽ ഏ​റ്റ​വും മി​ക​ച്ച രീ​തി​യി​ൽ ത​ന്നെ താ​മ​സി​ക്കാ​നും ക​ട​ൽ​തീ​രം ആ​സ്വ​ദി​ക്കാ​നു​മു​ള്ള സൗ​ക​ര്യ​മാ​ണ്​ ഇ​തു​വ​ഴി ഒ​രു​ക്കു​ന്ന​തെ​ന്ന്​ നാ​ച്വ​റ​ൽ റി​സ​ർ​വ്​ വി​ഭാ​ഗം ഡ​യ​റ​ക്​​ട​ർ സാ​ലി​ഹ്​ അ​ൽ കു​വാ​രി പ​റ​ഞ്ഞു.

അ​ടി​സ്ഥാ​ന സൗ​ക​ര്യ​ങ്ങ​ൾ​ക്കു​പു​റ​മെ, പാ​ർ​ക്കി​ങ്​ മേ​ഖ​ല​യി​ൽ പ്ര​ത്യേ​ക സീ​റ്റി​ങ്​ സൗ​ക​ര്യ​വു​മു​ണ്ടാ​വും. കു​ടും​ബ​ങ്ങ​ൾ​ക്ക്​ ആ​വ​ശ്യ​മാ​യ സ്വ​കാ​ര്യ​ത​യും ഉ​റ​പ്പു​വ​രു​ത്തും. ഭാ​വി​യി​ൽ കൂ​ടു​ത​ൽ ക​ട​ൽ​തീ​ര​ങ്ങ​ളി​ലേ​ക്ക്​ മോ​​ട്ടോ​ർ ഹോം ​സൗ​ക​ര്യം ന​ട​പ്പാ​ക്കാ​ൻ ഉ​ദ്ദേ​ശി​ക്കു​ന്ന​താ​യും അ​ൽ കു​വാ​രി പ​റ​ഞ്ഞു. സ​ന്ദ​ർ​ശ​ക​ർ​ക്കും പൗ​ര​ന്മാ​ർ​ക്കും കൂ​ടു​ത​ൽ സൗ​ക​ര്യ​പ്ര​ദ​മാ​യ വി​നോ​ദ​മാ​ർ​ഗ​ങ്ങ​ൾ ഒ​രു​ക്കു​ക​യാ​ണ്​ ഇ​തു​വ​ഴി ല​ക്ഷ്യ​മി​ടു​ന്ന​ത്.