പറവണ്ണ കടപ്പുറത്ത് യുവാക്കളെ സംഘം ചേർന്ന് മർദിച്ചതായി പരാതി

തിരൂർ: പറവണ്ണ കടപ്പുറത്ത് യുവാക്കളെ സംഘം ചേർന്ന് മർദിച്ച് പരിക്കേൽപിച്ചതായി പരാതി. ഞായറാഴ്ച വൈകീട്ട് ആറോടെയാണ് സംഭവം. കാറിൽ ബീച്ചിലെത്തിയ പറവണ്ണ പുത്തങ്ങാടി സ്വദേശികൾക്കാണ് മർദനമേറ്റത്. കുട്ടി ഹസന്റെ പുരക്കൽ അസ്ലം, കമ്മാക്കാന്റെ പുരക്കൽ ജംഷാദ്, അജ്മൽ പള്ളാത്ത് എന്നിവർക്കാണ് പരിക്കേറ്റത്. ഇവരെ നാട്ടുകാർ തിരൂർ ജില്ല ആശുപത്രിയിൽ എത്തിക്കുകയായിരുന്നു. പ്രദേശത്ത് നേരത്തേ ആക്രമണമുണ്ടായതിനെ തുടർന്ന് പൊലീസ് ഇടപെട്ട് പരിഹരിച്ചിരുന്നു. സംഭവത്തിൽ തിരൂർ പൊലീസ് അന്വേഷണം ആരംഭിച്ചു.