രണ്ടുപേരെ കാപ്പ ചുമത്തി ജയിലിലടച്ചു

ക​ൽ​പ​റ്റ: ഗു​ണ്ടാ​പ്ര​വ​ര്‍ത്ത​ന​ങ്ങ​ള്‍ അ​മ​ര്‍ച്ച ചെ​യ്യാ​നാ​യി സം​സ്ഥാ​ന​ത​ല​ത്തി​ല്‍ ആ​രം​ഭി​ച്ച ‘ഓ​പ​റേ​ഷ​ന്‍ കാ​വ​ലി’​ന്‍റെ ഭാ​ഗ​മാ​യി ജി​ല്ല​യി​ലെ സ്ഥി​രം കു​റ്റ​വാ​ളി​ക​ളാ​യ സു​ജി​ത്ത്, ജോ​ബി​ഷ് ജോ​സ​ഫ് എ​ന്നി​വ​രെ കാ​പ്പ നി​യ​മ പ്ര​കാ​രം അ​റ​സ്റ്റ് ചെ​യ്ത് ജ​യി​ലി​ല​ട​ച്ചു.

പു​ല്‍പ​ള്ളി, തി​രു​നെ​ല്ലി പൊ​ലീ​സ് സ്റ്റേ​ഷ​നു​ക​ളി​ലും സം​സ്ഥാ​ന​ത്തു​ട​നീ​ളം മ​യ്യി​ല്‍, ക​തി​രൂ​ര്‍, വ​ള​പ​ട്ട​ണം, കാ​സ​ർ​കോ​ട്, പ​യ്യോ​ളി, മ​ല​പ്പു​റം, ചാ​ല​ക്കു​ടി തു​ട​ങ്ങി​യ​സ്റ്റേ​ഷ​നു​ക​ളി​ലും സം​ഘം ചേ​ര്‍ന്ന് ഗൂ​ഢാ​ലോ​ച​ന ന​ട​ത്തി ത​ട്ടി​ക്കൊ​ണ്ടു​പോ​യി ക​വ​ര്‍ച്ച ന​ട​ത്ത​ല്‍, വ​ധ​ശ്ര​മം, അ​ടി​പി​ടി, ഭീ​ഷ​ണി​പ്പെ​ടു​ത്ത​ല്‍ തു​ട​ങ്ങി​യ 10 ഓ​ളം ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​ണ് പു​ല്‍പ​ള്ളി പെ​രി​ക്ക​ല്ലൂ​ര്‍ മൂ​ന്നു​പാ​ലം ച​ക്കാ​ല​ക്ക​ല്‍ വീ​ട്ടി​ല്‍ സു​ജി​ത്ത് (27).

പു​ല്‍പ​ള്ളി, തി​രു​നെ​ല്ലി, കാ​സ​ർ​കോ​ട്, പ​യ്യോ​ളി പൊ​ലീ​സ് സ്റ്റേ​ഷ​നു​ക​ളി​ലാ​യി സം​ഘം ചേ​ര്‍ന്ന് ഗൂ​ഢാ​ലോ​ച​ന ന​ട​ത്തി ത​ട്ടി​ക്കൊ​ണ്ടു​പോ​യി ക​വ​ര്‍ച്ച ന​ട​ത്ത​ല്‍, വ​ധ​ശ്ര​മം, അ​ടി​പി​ടി ഉ​ള്‍പ്പെ​ടെ നാ​ലോ​ളം ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​ണ് വ​യ​നാ​ട് ന​ട​വ​യ​ല്‍ ക​യാ​ക്കു​ന്ന് സ്വ​ദേ​ശി പ​തി​പ്ലാ​ക്ക​ല്‍ വീ​ട്ടി​ല്‍ ജോ​ബി​ഷ് ജോ​സ​ഫ് (25).

സു​ജി​ത്തും ജോ​ബി​ഷ് ജോ​സ​ഫും അ​ട​ങ്ങു​ന്ന സം​ഘ​മാ​ണ് 2022 ഒ​ക്ടോ​ബ​റി​ല്‍ തി​രു​നെ​ല്ലി ​പൊ​ലീ​സ് സ്റ്റേ​ഷ​ന്‍ പ​രി​ധി​യി​ലെ കാ​ട്ടി​ക്കു​ള​ത്ത് വെ​ച്ച് പൊ​ലീ​സ് എ​ന്ന സ്റ്റി​ക്ക​ർ പ​തി​ച്ച വാ​ഹ​ന​വു​മാ​യി വ​ന്ന് ബം​ഗ​ളൂ​രു​വി​ൽ​നി​ന്ന് വരു​ക​യാ​യി​രു​ന്ന സി​ല്‍വ​ര്‍ ലൈ​ന്‍ ബ​സ് ത​ട​ഞ്ഞു​നി​ര്‍ത്തി മ​ല​പ്പു​റം സ്വ​ദേ​ശി​യി​ല്‍ നി​ന്നും ഒ​രു കോ​ടി​യി​ല​ധി​കം വ​രു​ന്ന പ​ണം ക​വ​ർന്ന​ത്. ഈ ​കേ​സി​ൽ പ്ര​തി​ക​ളെ പൊ​ലീ​സ് വേ​ഗ​ത്തി​ൽ പി​ടി​കൂ​ടി​യി​രു​ന്നു.

ജി​ല്ല പൊ​ലീ​സ് മേ​ധാ​വി ആ​ർ. ആ​ന​ന്ദ് സ​മ​ര്‍പ്പി​ച്ച റി​പ്പോ​ര്‍ട്ടി​ന്‍റെ അ​ടി​സ്ഥാ​ന​ത്തി​ല്‍ വ​യ​നാ​ട് ക​ല​ക്ട​ർ എ. ​ഗീ​ത​യാ​ണ് ഉ​ത്ത​ര​വി​റ​ക്കി​യ​ത്. ജി​ല്ല​യി​ലെ ഗു​ണ്ടാ​പ്ര​വ​ർ​ത്ത​ന​ങ്ങ​ൾ അ​മ​ർ​ച്ച ചെ​യ്യു​ന്ന​തി​നാ​യി തു​ട​ർ​ന്നും ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് ജി​ല്ല ​പൊ​ലീ​സ് മേ​ധാ​വി അ​റി​യി​ച്ചു.