വയോധികയുടെ സ്വര്‍ണമാല കവര്‍ന്ന രണ്ടുപേര്‍ അറസ്റ്റില്‍

മ​ട്ട​ന്നൂ​ര്‍: ചാ​ലോ​ട് -ഇ​രി​ക്കൂ​ര്‍ റോ​ഡി​ല്‍ ട​വ​ര്‍ സ്റ്റോ​പ്പി​ലെ റി​ട്ട. അ​ധ്യാ​പി​ക ദേ​വി​യു​ടെ മാ​ല​ക​വ​ര്‍ന്ന കേ​സി​ലെ ര​ണ്ടു​പേ​രെ മ​ട്ട​ന്നൂ​ര്‍ പൊ​ലീ​സ് അ​റ​സ്റ്റ് ചെ​യ്തു. നി​ര്‍മ​ല​ഗി​രി മൂ​ന്നാം​പീ​ടി​ക ക​രി​യി​ല്‍ സ്വ​ദേ​ശി ഖാ​ലി​ദ്, പാ​ലോ​ട്ടു​പ​ള്ളി സ്വ​ദേ​ശി​യും ഉ​ളി​യി​ല്‍ പ​ടി​ക്ക​ച്ചാ​ല്‍ താ​മ​സ​ക്കാ​ര​നു​മാ​യ ന​വാ​സ് എ​ന്നി​വ​രെ​യാ​ണ് ഇ​ൻ​സ്പെ​ക്ട​ർ കെ.​വി. പ്ര​മോ​ദി​ന്റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘം പി​ടി​കൂ​ടി​യ​ത്.

വ​ഴി ചോ​ദി​ക്കാ​നെ​ത്തി​യ വ​യോ​ധി​ക​യു​ടെ ക​ഴു​ത്തി​ല്‍ നി​ന്ന് അ​ഞ്ചു പ​വ​ന്റെ സ്വ​ര്‍ണ​മാ​ല ത​ട്ടി​പ്പ​റി​ച്ച സം​ഭ​വ​ത്തി​ലാ​ണ് ഇ​വ​ര്‍ അ​റ​സ്റ്റി​ലാ​യ​ത്. ക​ഴി​ഞ്ഞ 29ന് ​രാ​വി​ലെ 6.30ഓ​ടെ​യാ​ണ് ന​ഷ്ട​പ്പെ​ട്ട​ത്. വീ​ടി​ന് മു​ന്നി​ല്‍ നി​ല്‍ക്കു​ക​യാ​യി​രു​ന്ന ദേ​വി​യു​ടെ അ​ടു​ത്തേ​ക്ക് കൂ​ത്തു​പ​റ​മ്പി​ലേ​ക്ക് പോ​കാ​നു​ള്ള വ​ഴി ചോ​ദി​ച്ചാ​ണ് മോ​ഷ്ടാ​ക്ക​ള്‍ എ​ത്തി​യ​ത്. തു​ട​ര്‍ന്ന് ക​ഴു​ത്തി​ല്‍ നി​ന്ന് മാ​ല പൊ​ട്ടി​ച്ച് ഓ​ടിക്കളയുകയായിരുന്നു. സം​ഭ​വ​ത്തി​ല്‍ പൊ​ലീ​സ് അ​ന്വേ​ഷ​ണം ന​ട​ത്തി​വ​രു​ന്ന​തി​നി​ടെ​യാ​ണ് മോ​ഷ്ടാ​ക്ക​ള്‍ പി​ടി​യി​ലാ​യ​ത്. നാ​വാ​സി​നെ ഉ​രു​വ​ച്ചാ​ലി​ല്‍ നി​ന്നും ഖാ​ലി​ദി​നെ ഇ​രി​ക്കൂ​റി​ല്‍ നി​ന്നു​മാ​ണ് പി​ടി​കൂ​ടി​യ​ത്. പ്ര​തി​ക​ളെ വീ​ട്ടി​ലെ​ത്തി​ച്ച് തെ​ളി​വെ​ടു​പ്പ് ന​ട​ത്തി. പാ​ലോ​ട്ടു​പ​ള്ളി​യി​ലെ സു​ഹൃ​ത്തി​ന്റെ സ്‌​കൂ​ട്ട​ര്‍ വാ​ങ്ങി​യാ​ണ് മോ​ഷ​ണം ന​ട​ത്തി​യ​തെ​ന്ന് തെ​ളി​ഞ്ഞി​ട്ടു​ണ്ട്. കൂ​ത്തു​പ​റ​മ്പ് എ.​സി.​പി മൂ​സ വ​ള്ളി​ക്കാ​ടി​ന്റെ നേ​തൃ​ത്വ​ത്തി​ലാ​യി​രു​ന്നു അ​ന്വേ​ഷ​ണം. മ​ട്ട​ന്നൂ​ര്‍ പൊ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ ബൈ​ക്കി​ലും മ​റ്റു​മാ​യെ​ത്തി നി​ര​വ​ധി സ്ത്രീ​ക​ളു​ടെ മാ​ല ക​വ​ര്‍ന്ന സം​ഭ​വ​മു​ണ്ടാ​യി​ട്ടു​ണ്ട്.